English | عربی | Kurdî دواهەواڵ
ڕاستەوخۆ  
 
پۆمپیۆ : رووبەرووبوونەوەی ئێران وەک بەدەستھێنانی کلیلی ئاشتیە بۆ ناوچەکە
2019-03-18 [06:42 AM]

ZNA- ھەولێر


مایك پۆمپیۆ وه‌زیری ده‌ره‌وه‌ی ئه‌مریكا له‌م هه‌فته‌یه‌دا سه‌ردانی سێ وڵاتی رۆژئاوای ئاسیا ده‌كات و راشیگه‌یاندووه‌ پرسی هاوبه‌شی نێوان ئه‌م سێ وڵاته‌ یارمه‌تیدانی ئه‌وانه‌ به‌ مه‌به‌ستی پاشه‌كشه‌ به‌ كۆماری ئیسلامیی ئێران له‌ ئاست سیاسه‌ته‌ ناوچه‌ییه‌كانی.

پۆمپیۆ به‌نیازه‌ له‌ سه‌ردانه‌كه‌ی ئه‌م هه‌فته‌یه‌دا بچێته‌ وڵاتانی كوێت و لوبنان و ئیسڕائیل و پێش ماوه‌یه‌ك وتبووی: به‌ره‌نگاربوونه‌وه‌ی ئێران وه‌ك به‌ده‌ستهێنانی كلیلی ده‌رگای ئاشتییه‌ بۆ ناوچه‌كه‌.

هه‌روه‌ها پۆمپیۆ هه‌م له‌ كۆبوونه‌وه‌ نهێنییه‌كان و هه‌م به‌شێوه‌ی ئاشكرا جه‌ختی كردووه‌ته‌وه‌ له‌وه‌ی كه‌: پابه‌ندیی ئێمه‌ به‌ ئاسایشی ئیسڕائیل و مافی ئه‌م وڵاته‌ بۆ به‌رگریی له‌ خۆی، هیچكات سست نابێت و هه‌میشه‌ ئه‌م بابه‌ته‌مان له‌به‌رچاوه‌.

شایه‌نی ئاماژه‌یه‌ تا ئێستا به‌رپرسانی ئه‌مریكا چه‌ندینجار داوایان له‌ كۆماری ئیسلامیی ئێران كردووه‌ تا ده‌ستوه‌ردان له‌ كاروباری وڵاتانی دراوسێ و ناوچه‌كه‌دا نه‌كات. ته‌نانه‌ت پۆمپیۆ له‌م چه‌ند مانگه‌ی دواییدا به‌ مه‌به‌ستی به‌ره‌نگاربوونه‌وه‌ی زیاتری ئێران سه‌ردانی زۆرێك له‌ وڵاتانی رۆژهه‌ڵاتی ناوه‌ڕاستی كردووه‌.





ئەم هەواڵە 6157جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad