English | عربی | Kurdî دواهەواڵ
ڕاستەوخۆ  
 
ھەڵەبچە و دوو واژوو
2019-03-18 [10:47 AM]

نڤیسینا : غیاس خالد زێباری


ھەڵەبچە ئەو باژارێ کوردستانی یێ ژبەر کیمیابارنکرنا رژێما بەعسا ناڤچۆیی پێنج ھزار شەھید و ب دەھان ھزار بریندار بۆینە قوربانی ، ژ بلی وێرانکرنا باژاری و باژارکێن دەوروبەر و چەندین زیانێن دیتر یێن جڤاکی و چاندنێ و ئابووری . ژبەر ڤێ کارەساتا مەزن ئەڤ باژێرە ب ھیرۆشیمایا دوویێ و ناسناما قوربانیدانا خەلکێ کوردستانێ دھێتە نیاسین . 
پشتی ئازادیا ھەرێما کوردستانێ و دامەزراندنا پەرلەمان و حکومەتا ھەرێما کوردستانێ و سازیێن رێڤەبرنێ ، نێچیرڤان بارزانی سەرۆکێ حکومەتا ھەرێما کوردستانێ ھەردەم گرنگی ب دەڤەرێن کوردستانی یێن زەرەرمەن دایە و ھەول داینە ب ئاڤەدانی و بریارێن ھەژی خەلکێ زەرەرمەند بەختەوەر بکەت و ژین و ژیارا وەلاتیان خۆشتر بکەت . 
ھەلەبچە ئێک ل وان باژارانە یێ جھێ پووتەپێدانا سەرۆکێ حکومەتێ و چەندین پرۆژە لێ ھاتیە بجە ئینان ، ھەرچەندە چ بۆ ھەلەبچە و دەڤەرێن وێرانکرنی یێن بەر ئەنفال و کیمیابارانکرنێ کەفتی بھێـە کرن ، ھەر کێمە و قەرەبوویا زیان و قوربانیێن وان ناھێتەڤ کرن . 
لێ دوو واژوویێن نێچیرڤان بارزانی سەرۆکێ حکومەتا ھەرێما کوردستانێ دەربارەی ھەڵەبچە ، ژبلی کۆ خەمێن خەلکێ وێ سڤک دکەت و نیشانێ رێزگرتنا پارتی دیموکراتی کوردستان و حکومەتا ھەرێما کوردستانێ و سەرۆکێ وێ یە بۆ کەس و دەڤەرێن قوربانیدەر و زیان ڤێکەفتی ، ئەڤەژی نیشانێ دلسۆزیێ یە  و جھێ دلخۆشیێ و پەیامەکە بۆ خەلکێ کوردستانێ کۆ ل داھاتی دا ھەر دەمێ دەلیڤە و شیان ھەبن ئەڤ دەڤەرە ناھێنە ژبیرکرن و ئەوا پێتڤی بیت دێ بۆ ھێتە کرن . 
واژووکرنا بریارا پارێزگەھبوونا ھەلەبچە ژلایێ نێچیرڤان بارزانی سەرۆکێ حکومەتا ھەرێما کوردستانێ ل ١٣ ێ ئادارا سالا ٢٠١٤ ، پشکەکا خەم و ئازارێن ھەڵەبچەیا شەھید سڤک کرن ، چونکی ئەڤە بریارەکا ھەرە گرنگ بوو و ئەڤ باژێرە و باژێرکێن دەوروبەر بن سیبەرا ڤێ بریارێ دێ گەشەبوونەکا زۆر ژلایێ ئابووری و ئاڤەدانی و جڤاکی بخۆڤە بینیت و ئاسانکاریێن زۆر ژی ژلایێ مامەلەیێن رۆژانە و روتینیاتا بۆ وەلاتیان دێ ھێـنەکرن ، ژبلی زێدەبوونا رێژا دامەزراندنێ ل وی سنووری . 
بریارەکا دیترا حکومەتا ھەرێما کوردستانێ ب واژوویا نێچیرڤان بارزانی دیسان ل رۆژا ( ١٣) ئادارا ئەڤ سالە بۆ تابلۆکرنا ئۆتۆمبێلان بناڤێ پارێزگەھا ھەڵەبچە ، دیسان بریارەکا دلخۆشکەرە و مزگینیەکا دلڤەکەرە بۆ خەلکێ ڤی باژارێ شەھید . 
دیسان ئەڤەژی نیشانێ خەمخۆریا سەرۆکێ حکومەتێ یە بۆ خەلکێ پارێزگەھا ھەڵەبچە . ئەڤە ئاماژەنە کۆ لدەمێن داھاتی دا ھەرێما کوردستانێ ب ھەمی سازیێن خۆڤە دێ گرنگیێ ب ھەڵەبچا شەھید و دەڤەرێن زیان ڤێکەفتی دەت ,  نەخاسمە کەسایەتیا نێچیرڤان بارزانی ، پشتی دەست نیشانکرنا جەنابێ وی وەک سەرۆکێ ھەرێمێ مزگینیێن خۆشتر و مەزنتر ب واژوویێن جەنابێ بۆ دێ گەھنە ڤی خەلکێ شەھید پەروەر و قوربانیدەر لسنوورێ پارێزگەھا ھەڵەبچە و سەرتاسەرێ ھەرێما کوردستانێ .





ئەم هەواڵە 2884جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad