English | عربی | Kurdî دواهەواڵ
ڕاستەوخۆ  
 
سەرۆك وەزیرانی عێراق داوای لەكارلادانی پارێزگاری موسڵ دەكات
2019-03-23 [04:55 AM]

​ZNA – هەولێر


سەرۆك وەزیرانی عێراق عادل عەبدولمەهدی پەیامێكی بۆ سەرۆكی پەرلەمانی عێراق ناردووە، داوادەكات پارێزگاری نەینەوا و جێگرەكەی لەكارەكەیان دووربخرێنەوە. 

سەرۆكی ئەنجوومەنی وەزیرانی عێراق ،عادل عەبدولمەھدی، لە پێگەی فەرمی خۆی لە تۆڕی كۆمەڵایەتی فەیسبووك بڵاویكردووەتەوە، داوا لە پەرلەمانی عێراق دەكات، بەهۆی کەمتەرخەمی لە بەجێگەیاندنی ئەركەكانیان و رانەپەڕاندنی بەرپرسیاریەتییەكەیان و بەفیڕۆدانی سامانی گشتی و خراپ بەکارهێنانی ده‌سه‌ڵاته‌كانیان، ھەریەك لە پارێزگاری نەینەوا و جێگرەكەی، لە كار دووربخرێنەوە، بە زۆرینەی دەنگی پەرلەمانتاران.

بە گوێرەی چەند میدیایەكی عێراقی، كە نەوفەل حەمادی پارێزگاری نەینەوا، سەفەركردنی لێ قەدەغەكراوە و بڕیاری مانەوەی بەزۆرەملێی لە مووسڵیشی بەسەردا سەپێندراوە.

پێشتریش سه‌رۆك وه‌زیرانی عێراق بڕیاریدا، شانه‌ی تایبه‌ت به‌ قه‌یرانه‌كه‌ پێكبهێنێت و هه‌ریه‌ك له‌ موزاحیم قاسم خه‌یات، سه‌رۆكی زانكۆی نه‌ینه‌وا، فه‌رمانده‌ی ئۆپه‌راسیۆنه‌كانی نه‌ینه‌وا و به‌ڕێوه‌به‌ری پۆلیسی پارێزگاكه‌ی كردووه‌ته‌ ئه‌ندام، راسته‌وخۆش له‌ هه‌ماهه‌نگی به‌رده‌وامدا ده‌بن له‌گه‌ڵ سه‌رۆكی هێزه‌ چه‌كداره‌كانی عێراق.

رۆژی پێنجشه‌ممه‌، 21ی ئادار2019، به‌له‌مێكی په‌ڕاندنه‌وه‌ی گه‌شتیاران له‌ دوورگه‌یەكی گه‌شتیاری‌ لەسه‌ر رووباری دیجله‌ لەموسڵ نقوومبوو و به‌هۆیه‌وه‌ نزیكه‌ی 100 كه‌س گیانییان له‌ده‌ستداو  ژماره‌یه‌ك گه‌شتیاریش بێسه‌روشوێنن.

 





ئەم هەواڵە 9988جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad