English | عربی | Kurdî دواهەواڵ
ڕاستەوخۆ  
 
هۆشداری بە هاووڵاتیان دەدرێت نەچنە ئەم شوێنانە
2019-03-24 [07:08 AM]

ZNA-هەولێر


سەرۆكایەتیی شارەوانیی دەربەندیخان لەبارەی بارانبارین و بەرزبوونەوەی ئاو لە ناوەندی شار و شەقامە گشتی و ناوچە نزمەكانی شارەكە هۆشداری دەداتە هاووڵاتیان و داوایان لێدەكات لە ماڵەكانیان بمێننەوە تا تیمە فریاگوزارییەكان دەگەنە لایان.

سەرۆكایەتیی شارەوانی دەربەندیخان، لە ڕاگەیەندراوێكدا كە وێنەیەكی دەست ئاژانسی هەواڵی زاگرۆس کەوتووە، تێیدا هاتووە"بەپێی پێشبینییەكانی كەشوهەوا، ناوچەكەمان دەكەوێتە ژێر كاریگەریی پاڵەپەستۆی نزمی هەردوو دەریای سوو و دەریای سپیی ناوەڕاست و بارانی بەخوڕ و بەهێز و هەورە بروسكە لەخۆ دەگرێت و چاوەڕوان دەكرێت ڕێژەیەكی زۆر باران ببارێت و ببێتە هۆی بەرزبوونەوەی ئاستی ئاو لە ناوەندی شار و شەقامە گشتی و ناوچە نزم و چاڵەكان".

شارەوانیی دەربەندیخان، داوا لە هاووڵاتیان دەكات "لە كاتی بەرزبوونەوەی ئاستی ئاو لە ماڵەكانتان بمێننەوە تا تیمە فریاگوزارییەكان دەگەنە لاتان، هەروەها خۆتان لە مانەوە لە ناوچە بەرز و چۆڵ و شاخاوییەكان بپارێزن، چونكە شەپۆلەكە بارگاوییە بە هەورە بروسكەی بارگە كارەبایی بەرز".

 لە ڕاگەیەندراوەكەدا داوا كراوە "ئەو هاووڵاتییانەی پیشەیان بەخێوكردنی ئاژەڵ و مەڕ و ماڵاتە خۆیان بپارێزن لە بردنە دەرەوەی ئاژەڵ و مەڕ و ماڵاتەكانیان بۆ شوێنە بەرز و دوورە دەستەكات و هەوڵ بدرێت قەرەباڵغی لەسەر شەقامەكان دروست نەكرێت تا تیمە فریاگوزارییەكان بە زووترین كات بگەنە ئەو شوێنانەی پێویستیان بە هاوكاری هەیە".

سەرۆكایەتی شارەوانی دەربەندیخان ئاماژەی بەوەش داوە "داوا لەو هاووڵاتییانە دەكەین كە لە دەرەوەی سنووری شارەوانین و دەكەونە نزیك ڕێڕەوی لافاو، خۆیان بپارێزن و بە زووترین كات پەیوەندی بكەن بەلایەنە پەیوەندیدارەكانەوە و شۆفێرانیش بۆ كاری زۆر پێویست نەبێت ڕێگاكانی دەرەوەی شار بەكار نەهێنن".
 





ئەم هەواڵە 3889جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad