English | عربی | Kurdî دواهەواڵ
ڕاستەوخۆ  
 
د. بەشیر حەداد: ناردنی مووچەی فەرمانبەرانی ھەرێمی کوردستان بەردەوام دەبێت
2019-03-26 [10:33 AM]

ZNA-هه‌ولێر


جێگری سەرۆکی پەرلەمانی عێراق رایگەیاند، ناردنی مووچەی فەرمانبەرانی ھەرێمی کوردستان بەردەوام دەبێت و دەنگۆی بڕینی راست نییە.

د. بەشیر حەداد، جێگری سەرۆکی پەرلەمانی عێراق لە کۆنگرەیەکی رۆژنامەڤانیدا رایگەیاند: "مووچەی فەرمانبەران لە بودجەی ٢٠١٩ پەسەندکراوە و دەنگۆی بڕینی راست نییە. ھاوشێوەی پارێزگاکانی دیکە ناردنی مووچەی فەرمانبەرانی ھەرێمی کوردستان بەردەوام دەبێت و مووچەی فەرمانبەران تێکەڵی ململانێ سیاسییەکان ناکرێت".

د. بەشیر حەداد دەڵێت: "ئەو سیاسەتی دژایەتیکردنەی ھەرێمی کوردستان و بڕینی مووچە و قوتی خەڵکی کوردستان لەلایەن بەغداوە کۆتایی پێھاتووە و ئێستا قۆناخێکی تازە و سیاسەتێکی تازە بەرامبەر بە ھەرێمی کوردستان ھەیە و بە پێچەوانەوەش سیاسەتی ھەرێمی کوردستان بەرامبەر بەغدا گۆڕانکاری بەسەردا ھاتوو. لەبەرئەوە ئەوانەی وابیردەکەنەوە دیارە کەوتوونەتە ژێر کاریگەری ئەوانەوە".

دەشڵێت: "چۆن لە یاسای بودجەی گشتی عێراقدا بۆ ساڵی ٢٠١٩ توانیمان مووچەی فەرمانبەران و پێشمەرگە لە ململانێ سیاسییەکانی عێراق دەربێنین، بەھەمان شێوەش پێویستە ئەو بابەتە لە ململانێ سیاسییەکان دەربچێت، لەبەرئەوە ئەگەر گرژییەکی سیاسیی لە ھەرێمی کوردستان رووبدات، نابێت ببێتە ھۆی ئەوەی خەڵکی بخەنە دڵەڕاوکێوە".

جێگری سەرۆکی پەرلەمانی عێراق ئاماژە بەوەش دەکات: "ئەگەر رادەستنەکردنی نەوت ببوایە ھۆکارێک بۆ نەدانی مووچەی فەرمانبەران، کە سێ مانگە نەوت رادەستنەکراوە، دەبوایە حکومەتی عێراق ئەو سێ مانگە پارەی رەوانە نەکردبایە. لەبەرئەوە رەوانەنەکردنی نەوت کێشەنابێت و ئەمە لە یاسای بودجەی عێراقدا جێگرکراوە".





ئەم هەواڵە 10030جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad