English | عربی | Kurdî دواهەواڵ
ڕاستەوخۆ  
 
بە ھەزاران خێزانی داعش دەگەرێنەوە عێراق
2019-03-27 [05:31 AM]

ZNA- ھەولێر


عێراق ئامادەکاری بۆ گەراندنەوەی نزیکەی ٢٨ ھەزار ھاوولاتی له‌ سووریا دەکات، کە لە نێویاندا هه‌زاران خێزان و ژن و منداڵی چەکدارانی داعش ھەن. بڕیاریشه‌ ئه‌و هاووڵاتیانه‌، كه‌ ئێستا له‌ كه‌مپی ئاواره‌كانی باغۆزن، بەرێكکەوتن لەگەڵ ھێزەکانی سوریای دیموکرات "هه‌سه‌ده‌" بگه‌ڕێندرێنه‌وه‌. 

له‌مباره‌یه‌وه‌ عەباس سەروەد، ئەندامی لێژنەی ئاسایش و بەرگری لە ئەنجوومەنی نۆێنەرانی عێراق ده‌ڵێت: "٣ هه‌زار کەس لەو ئاوارانە تۆمەتی چەکداری داعشیان بەسەردا ساغ بووەتەوە و بەپێی یاسایی سزادانی عێراقی دادگایی دەکرێن".

له‌كاتێكیشدا مەترسیی گەرانەوەی خێزان و ژن و منداڵانی چەکدارانی داعش وای کردووە، حکوومەتی عێراق بیر لەوە بکاتەوە، رێكکاری یاسایی و ئەمنی و چاودێریکردنی باری کۆمەلایەت ئه‌و ئاوارانه‌ بگرێتە بەر، بۆ رێگەگرتن لە تەشەنەکردنی بیر و ھزری تێکدەرانە، عەلی غانمی، ئەندامی ئەنجوومەنی نۆێنەرانی عێراق له‌م باره‌یه‌وه‌ جه‌خت ده‌كاته‌وه‌، "ئه‌و كه‌سانه‌ی بیری توندڕه‌وییان هه‌یه‌، له‌ داهاتوودا ده‌بنه‌ هه‌ڕه‌شه‌ و مه‌ترسی، بۆیه‌ پێویسته‌ بۆ چاره‌سه‌ركردنی ئه‌و پرسه‌ رێككاری فه‌رمی و یاسایی بگیرێنه‌ به‌ر، كه‌ به‌ شێوه‌یه‌ك دابه‌ش بكرێن، كه‌ نه‌توانن چالاكی ئه‌نجام بده‌ن، پێویسته‌ رووبه‌ڕووی ئه‌و هزره‌ توندڕه‌وییه‌ ببنه‌وه‌ و له‌ ره‌گه‌وه‌ ریشه‌كێشی بكه‌ین ".

دواى سووریا عێراق دووەم ولاتی زەرەمەندی دەستی چەکدارانی داعش و گروپە تیرۆرستیەکانە، ولاتانی جيهانيش ئەوەیان بۆ دەرکەوتووە, گەر رێگە لە سەرچاوەی مرۆیی, ھزرى, دارایی و راگەیاندنی داعش نەگرن, سەقامگیری ھەموو جيهان تێکدەدەن.

سه‌باره‌ت به‌م بابه‌ته‌ش ئەمیر عیسا, لێکۆڵەری رۆژنامەوانی باس له‌وه‌ ده‌كات، كه‌ "پێویسته‌ بۆچوونه‌كان بۆ رووبه‌ڕووبوونه‌وه‌ی داعش یه‌كبخرێن، و له‌سه‌ر یه‌كگوتاری ئاینی و سیاسی رێككه‌وتن بكرێت، به‌م شێوه‌یه‌ رۆژهه‌ڵاتی ناوه‌ڕاست له‌ گروپه‌ تیرۆریستییه‌كان رزگار ده‌بێت".

ئه‌مه‌ له‌ كاتێكدایه‌، له‌ به‌یاننامه‌یه‌كدا خاچی سووری نێودەوڵەتى ئاشکرای کردووە, عێراق و سوریا لە سەر رادەستکردنەوەی زیاتر لە ٢٠ ھەزار ھاوولاتی و خێزانی داعش رێکكەوتوون و, لە چەند ھەفتەی داھاتوودا ئه‌و عێراقیانه‌ دەگەڕێنرێنەوە وڵاته‌كه‌یان، عادل عه‌بدولمه‌هدی، سەرۆك وەزیرانی عێراقیش جەخت لەوە دەکاتەوە, "تەنيا ئەو داعشانە وەردەگرێت, کە خاوەنی رەگەزنامەی عێراقین".





ئەم هەواڵە 8854جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad