English | عربی | Kurdî دواهەواڵ
ڕاستەوخۆ  
 
نێچیرڤان بارزانی و ھیڤیێن قازی و بارزانی
2019-03-30 [11:05 AM]

نڤیسینا : غیاس خالد زێباری


ڤان رۆژا ئانکۆ ل ٣١ /٣ بیرھاتنا ژناڤبرنا حەفتێ و سێ ساڵیا ئێم کۆمارا کوردستانی یە ل مھاباد ، ئەو کۆمارا ژ ئەنجامێ ھەڤرکی و ناکۆکیێن نیڤ دەولەتی دەرفەت بۆ ئینایە پێش و لسەر دەستێ پێشەوا قازی محەممەد وەک ئێکەم سەرۆک کۆمار ب پشتەڤانیا بارزانی نەمر و لەشکرێ وی ھاتیە راگەھاندن . لێ مخابن ژ ئەنجامێ نەبوونا پشتەڤانیا نیڤ دەولەتی و بەرژەوەندێن ئەمریکا دگەل ئیرانێ و ھندەک فاکتەرێن ناڤخۆیی ڤێ کۆمارا ساڤا تنێ یازدە مەھا ڤەکێشا و ل ٣١/٣/١٩٤٧ ھاتە ژناڤبرن و ھیڤیێن خەلکێ کوردستانێ بۆ گەھشتن ب ئارمانجێن خۆ یێن نەتەوی ھاتنە سۆتن .
ھەرچەندە بارزانی نەمر وەک فەرماندێ لەشکری ب ھەمی شیانێن خۆ بەرەڤانی لڤێ کۆمارێ کر و چەندین شەھید قوربانی کرن ، لێ ئەو پیلانا نیڤ نەتەوی ل شیان و بەرگریێن وان زێدەتر بوو ، سەرۆک کۆمار قازی محەمەد ژی مەزناھیێ ڤێ پیلانێ دزانی لەوما بریارا خۆ رادەستکرنێ دا ، ھەتا کۆ ژلایێ رژێما وی سەردەمی یا ئیرانێ دگەل (٢٨) سەرکرداێن پارتیا دیموکراتا ئیرانێ ھاتنە گرتن و قازی و ژمارەکا سەرکردا (٢٣) کانوونا دوویێ یا سالا ١٩٤٧ ل گۆرەپانا چارچرا ھاتنە سێدارەدان ئەو گۆرەپانا کۆمار لێ ھاتیە راگەھاندن .
قازی و بارزانی ھیڤیێن مەزن ھەبوون بۆ ئاڤاکرنا کۆمارەکا کوردستانێ و بدەستڤەئینانا ماف و ئارمانجێن گەلێ کورد و ئازادی و رزگاریا سەرتاسەری ، لێ بەرژەوەندێن سیاسی و ئابووری یێن وەلاتێن زلھێز رێگریێن سەرەکی بوون بۆ بجە نەھاتنا ڤێ ھیڤیێ ، لێ ئەگەر وی دەمی ژی ئێکرێزیەکا تمام دناڤبەرا گەلێ کورد ھەبا و دگەل بارزانی نەمر بەرەڤانیەکا تمام کربا دبیت ھەڤکێشە گۆریبا . چونکی ئیرانێ بەرامبەر داگرتنا پشتەڤانیا ئێکەتیا سۆڤیەتا بەرێ بۆ کۆمارا کوردستان و ئازەربایجان رێکەفتن دگەل سۆڤیەت کربوو بەرامبەر ئمتیازاتێن نەفتێ و پشتی ئارامانجا خۆ بجە ئینای ھەردوو کۆمار ژناڤبری ل وێ رێکەفتنێ پەشێمان بوو .
دڤێرەدا دیار دبیت یان قازیێ شەھید و سەرکردێن کۆمارا کوردستانێ ئەو کاریزما و دبلۆماسی نەبوویە پشتەڤانیێ دابین بکەت ، یان ژی بتەمامی د ڕەوشێ گەھشتینە کۆ شیانێن بەرگریێ نینە .
بریارا بارزانی ژی بۆ بەرەڤانیێ نیشانێ دووربینیا وی بوویە بۆ رەوشێ و کاریگەیا بەرگریێ لسەر گوورینا ھەڤکێشێن سیاسی .
رەوشا ھەرێما کوردستانێ ژی یا ل ( ١٦ ) ێ ئکتۆبەرا ٢٠١٧ ، وەک ھەڤیەک دگەل رەوشا وی دەمی یا کۆمارا کوردستان ھەیە و پیلانەکا نیڤ دەولەتی و ھەرێمایەتی بوو ب پشتەڤانیا لایەنەکێ سیاسیێ کوردی بۆ ژناڤبرنا قەوارێ ھەرێما کوردستانێ بۆ ئمتیازاێت نەفتێ . 
لێ نێچیرڤان بارزانی سەرۆکێ حکومەتا ھەرێما کوردستانێ خودان کاریزما و دبلۆماسیەت و دووربینیەکا بێ وێنە بوو شیا ژ پێخەمەت پاراستنا ھەرێمێ و بەرژەوەندێن خەلکێ کوردستانێ سەرەدەریێ دگەل رەوشێ بکەت و جارەکا دی پشتەڤانیا نیڤ دەولەتی بۆ ھەرێمێ دابین بکەت و ھەمی ئالیان بگەھینتە باوەریێ کۆ ھەبوونا ھەرێمێ کاریگەریێن نەرێنی لسەر بەرژەوەندێن وەلاتێن نیڤ دەولەتی و ھەرێمی نینە ، بەلکی گەھاندنە وێ باوەریێ کۆ ژناڤبرنا کیانێ ھەرێما کوردستانێ ژناڤبرنا بەرژەوەندێن وەلاتێن زلھێزێن جیھانێ یە .
ئەڤ سەرکەفتنێن سیاسی و ئابووری یێن ھەرێما کوردستانێ لسەر دەستێ نێچیرڤان بارزانی پشتی وێ پیلانا مەزنا لسەر ھەرێمێ ل ١٦ ئکتۆبەرێ و رۆژێن پشتی وێ ، ل شکاندنا وان ھەمی گەماروویێن ئابووری و دارایی و سیاسی لسەر ھەرێمێ ، بەلگەنە کۆ پێتڤیە سەرکردە خودان پلانێن ھەمەلایەن و پێشبینیکارێن روودانێن ژ نشکەکی بن و پێشوەخت بەرھەڤی بۆ کربن . 
ئەگەر سەرۆکێ حکومەتا ھەرێما کوردستانێ پەیوەندیێن موکۆم دگەل وەلاتێن زلھێز نەبان و بارژەوەندێن وان یێ، ئابووری و سیاسی دگەل بەرژەوەندێن کوردستانێ تێکەل نەکربان دوور نەبوو . پیلانا ژناڤبرنا کۆمارا کوردستان لسەر ھەرێما کوردستانێ دووبارە ببا . نابیت روولێ بەرگریا پێشمەرگەھێن کوردستانێ ژی بسەرپەرشیا جەنابێ سەرۆک بارزانی ژبیر بکەین ل شکاندنا شەپۆلێن بەرفرەھێن ھێرشێن حەشدا شەعبی ب پشکداریا پاسدارێن ئیرانێ بۆ سەر ھەرێما کوردستانێ .
ئەڤە نیشانن ، کۆ نێچیرڤان بارزانی شیا ڤان سالان ھیڤیێن بارزانی و قازی بۆ پاراستن و ئازادی و رزگاریا کوردستانێ و بدەستڤەئینانا ماف و ئارمانجێن خەلکێ کوردستانێ بجە بینیت و سەرکەفتنەکا مەزنتر تۆمار بکەت .





ئەم هەواڵە 4513جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad