English | عربی | Kurdî دواهەواڵ
ڕاستەوخۆ  
 
ئێکەتیا قوتابیێن کوردستانێ پێشەنگێ کێشێن قوتابیانە
2019-04-02 [05:21 AM]

نڤیسنا: سەربەست خالد کۆچەر


توێژا قوتابیان ئێك ژ تەخێن گرنگ و هەلگرێن درۆشم و پەیامەکا پێشکەفتن خوازا زانست و زانینێ نە و رۆلەکێ هزرمەندانە د گۆهورین و کارتێکرنێن ئەرینی دا دبینیت لسەر وەلاتی و گشت سەکتەران و بەرەبابەکێ گەش و ئومێدەکا مەزنە ژ بۆ خێزان و جڤاك و وەلاتێ خۆ،هەڤدەم د هوشیاری و پێشکەفتن و دەستڤەئینانا ئایندەکێ سەرکەفتی قوتابی پێشەنگێ هەر بزافەکێ یە و پێشرەوێ دۆز و خەباتا گەلێ خۆیە د هەموو قوناغان دا، نهادا پرسا هەری گەرما رۆژەڤێ دناڤا قوتابیێن زانکۆ و پەیمانگەهان دا بابەتێ ڤەگەراندنا دەرمالێت قوتابیانە کو بۆ ماوێ چار سالایە هاتی یە راگرتن و قوتابی بێ بەش بوونە ژ وی دەرمالەی و بەری نوکە ڤی برێ دەرمالەی هاریکاریەکا باش بوویە ژ بۆ قوتابیێن زانکۆ و پەیمانگەهان،هەلبەت پشتی وێ پێشڤەچوونا پەیوەندیێن هەولێر و بەغدا ئیتر حکومەتا نافەندی موچەی فرێدکەت بۆ هەرێمێ و بریارا نەمانا پاشکەفتێ موچەی ژلایێ سەرۆك وەزیرێن هەرێما کوردستانێ نێچیرڤان بارزانی لڤینەکا دی کەتە ناخێ قوتابیان کو نوکەدا رەوشا ئابوری بەرەف باشتر بوویە،دڤێت حکومەت دەرمالێت قوتابیان ب مەزێخیت چونکی قوتابیێن زانکۆ و پەیمانگەهان پێدڤی ب وی برە پارەی هەیە بۆ تژیکرنا بەشەك ژ پێدڤیێن خۆ و بێگومان ئێکە ژ گرنگترین پێدڤیێن قوتابیان نەخاسمە قوتابیێن بەشێ نافخوی،دڤێت پلانەکا توکمەتر ژلایێ حکومەتا هەرێمێ بهێتە دارێژتن بۆ ئایندە و پاشەرۆژا قوتابیێن کوردستانێ چونکە ئومێد ب سەرکەفتن و ڤەژاندنا هیڤی و ئومێد و پاشەرۆژا قوتابیان داینەمویا کارابوون و دانانا بنیاتەکێ هوشیاری و رەوشەنبیری و موکومێ زانست و زانین و داهێنانی یە ژ بۆ وەلاتی و قوتابی ب هیڤینە ژ رۆلێ سەرۆك وەزیران،دیسان دڤێت وەزارەتا خواندنا بلند و ڤەکولینێن زانستی ئاگەهیەکا تەمام ژ قوتابیان هەبیت و لدۆیڤ داخوازیێن وان بهێت لێ وەکو خویا دبیت کو وەزیرێ خواندنا بلند کەمترخەم بوویە دڤی بابەتی کو ماوەکێ درێژە نەگەهاندی یە ئەنجومەنێ وەزیران، پێدڤی یە رێکخراوێن جڤاکێ مەدەنی کو رێخراوێن قوتابی و لاو و ئافرەتان و سەندیکا و سەنتەر و دەزگەهێن تایبەتمەند ب جڤاکی مل ب ملێ خێزان و پەروەردێ لدۆڤ دەنگ و کێش و گازیا قوتابیان بهێن چونکە ب رێیا ڤان سازیان قوتابی دشێت رۆلێ خۆ د مەیدان و خزمەتا وەلاتی دا بگێریت و ئارمانج و مافێن خۆ دەست بێخت و بیتە ئەندامەکێ کارایێ جڤاکی.لێ وەك هەردەم ئێکەتیا قوتابیێن کوردستانێ سەنگەرێ بەرگری بوویە ژ ماف و داخازیێن قوتابی و دەستڤەئینانا مافێن بنەرەت و پەیداکرنا ئایندەکێ گەش و بلندکرنا ئاستێ زانست و زانینا قوتابیان ئێکەتیا قوتابیێن کوردستانێ پێشەنگ بوویە و ڤێ رێکخراوێ سەلماندی یە ئێکانا بێ هەڤرکە دوارێ قوتابیان دا و داکوکی کارا راستەقینەیا ماف و داخازیێن گشت قوتابیانە و هەردەم هەست ب بەرپرسیارەتی کریە د هەموو کێش و گرفتێن قوتابیان.نهۆ ژی دا دبزاف و هەولدانێ دایە دگەل ئالیێن پەیوەندی دار بۆ ڤەگەراندنا دەرمالێت قوتابیێن زانکۆ و پەیمانگەهان و دوبارە خەرجکرن و مەزاختنا وی برە پارەیێ دەرمالێت قوتابیان و ب بلندترین ئەرکێ خۆ زانی یە و دور ژ موزایدەکرنێ کو ب بریارەکێ هاتی یە راگرتن هەڤدەم دڤێت ب دەرکرنا بریارێ بهێتە ڤەگەراندن.لەورا جهێ سوپاسی یە کو مەکتەبا سکرتاریەت و سکرتێرێ ئێکەتیا قوتابیێن کوردستانێ ب جدی و دیڤچوون لسەر ڤی پرسێ راوەستایە و قوتابیان هیڤیێن مەزن هەنە کو تاکە رێکخراوە بشێت بیتە چارەسەرکارێ کێشێن وان و مسوگەرکرنا مافێن رەوایێن قوتابیان.





ئەم هەواڵە 3550جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad