English | عربی | Kurdî دواهەواڵ
ڕاستەوخۆ  
 
لە بۆکان کۆنسێرتی میوزیکی فۆلکلۆری کوردیی بەڕێوەدەچێت
2019-04-03 [02:29 AM]

تاران - ZNA 


کۆنسێرتی میوزیکی فۆلکلۆری کوردیی لە لایەن ئاکادیمیای میوزیکی "زیرەک" و ئەنجوومەنی کۆمەڵایەتی "ئاوای زیرەک" لە شەوانی 3 و 4ی ئەپرێلی 2019 لە شاری بۆکان بەڕێوەدەچێت.

 

کۆنسێرتەکەلە پێناو پاراستنی میوزیکی رەسەنی کوردەواریی و بە ئامانجی پەرەپێدان و ناساندنی میوزیکی دەوڵەمەندی کوردیی و بە مەبەستی دامەزراندنی بنەماکانی هونەریی و کەلتووریی و بەرزڕاگرتنی دوایین نەوە لە هونەرمەندانی بلیمەتی میوزیکی فۆلکلۆری کوردیی کاتژمێر 9ی شەوانی 3 و 4ی ئەپرێلی 2019 لە هۆڵی فەرهەنگسەرای سیمورغ لە شاری بۆکان بەڕێوەدەچێت. 

 

لەم کۆنسێرتەدا، کۆمەڵێک بەرهەمی هەرمانی میوزیکی شادی کوردیی بە دەنگی گۆرانیبێژانی کورد جەعفەر بوغدەداغی، عومەر فەرەجی و کەریم خاکی بە هاوڕێیەتی میوزیکی فۆلکلۆریی ناوچەی موکریان، لە لایەن عوسمان محەمەدی ناسراو بە عوسمانە سوور، ژەنیاریی ئامێری نەرمەنای، ئیسماعیل کۆچەری ژەنیاریی زەرب و ئەیووب تازە کار، ژەنیاریی داهاتووڕوونی ئامێری دیوان پێشکەش دەکرێت.

 

پارچە میویکی فۆلکلۆریی، گۆرانی و مەقامە رەسنەکانی کۆنسێرتی گەورەی میوزیکی فۆلکلۆری کوردیی بۆکان لە دەزگای شوور، مەقامی بەیاتی تورک، گۆشەی شەهناز، دەزگای سێ گاە و مەقامەکانی میوزیکی ناوچەی موکریان کە بە شێوەی پێکەوەژەنین، ژەنینی بوداهەی میوزیکی فۆلکلۆری کوردیی، گۆرانیگوتنی تاکەکەسی و "گەڕە لاوژە" یا گۆرانیکوتن بە شێوەی گرووپی مەقامە تایبەتەکانی ناوچەی موکریان پێشکەش دەکرێت.

 

ناوی پارچە موزیک و گۆرانییەکانی ئەم کۆنسێڕتە بریتین لە: شەوبۆ، تۆم دەوێی، وەرە لام، ڕیحانە، گریان، بەهاران، بریندارم، شیرین بەهارە و چەند بەرهەمێکی دیکە.

 

زۆربەی ئەم گۆرانی و پارچە موزیکانە لە ساڵانی ڕابردوودا لە لایەن هونەرمەندان: حەسەن زیرەک، عەلی فەیزی ناسراو بە "عەلی خەندان"، عەبدوڵڵا هووشمەند ناسراو "بە عەبە دەڕژێ"، ئیبڕاهیم فەتاحی و سەید عەلی رەحیم پوور ناسراو بە سەید عەلی سەردەشتی پێشکەش کراون.

 

مەنسوور جیهانی

 





ئەم هەواڵە 10645جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad