English | عربی | Kurdî دواهەواڵ
ڕاستەوخۆ  
 
ساڵح موتڵەگ داوای كشانەوەی حەشدی شەعبی دەكات لەناوچە سوننە نشینەكان
2019-04-08 [06:42 AM]

​ZNA – هەولێر


سەرۆكی بەرەی دیالۆگی نیشتمانی داوای كردبوو حەشدی شەعبی لەناوچە سوننیەكان بكشێنەوە و حەشدی شەعبییش دووپاتیدەكاتەوە، بەشێكن لە سیستمی بەرگری عێراق و دەرچوونیش لە ناوچە سونییەكان رەتدەكاتەوە.

لە بەیاننامەیەكدا دەستەی حەشدی شەعبی بڵاوی كردووەتەوە، تۆمەتباركردنیان لەلایەن سیاسییەكی عێراق، پێچەوانەی یاسایە و پێشێلكردنی یاسا و مافەكانی حەشدی شەعبییە، ئەوان بەشێكن لە سیستمی بەرگری عێراق و پابەندن بە فەرمانەكانی فەرماندەی گشتی ھیزە چەكدارەكانی عێراق.

لە بەیاننامەكەدا ئاماژە بەوەشكراوە، رێكارە یاساییەكان بۆ پاراستنی مافەكانیان دەگرنە بەر و قسەكانی ساڵح موتڵەگ وەك تۆمەت و ناوزڕاندن لێكدەدەنەوە.

پەرلەمانتارێكی كوتلەی بەدر لە پەرلەمانی عێراق بەناوی مەھدی ئامرلی، داوا دەكات بڕیاری دەستگیركردن بۆ ساڵح موتڵەگ دەربكرێت و دەڵێت"حەشدی شەعبی ئەو ناوچەی لە دەست داعش رزگار كردووە، كە ساڵح موتڵەگ سەروەت و سامانەكەی دزیووە".

ئەمەش دوای ئەوەدێت دوێنێ ساڵح موتڵەگ، سەرۆكی بەرەی دیالۆگی نیشتمانی رایگەیاندبوو، چەکدارانی حەشدی شەعبی ستەم لە دانیشتوانی ناوچە سونییەکان دەکەن و داوا دەكەن لە ناوچەكانیان بكشێنەوە.

 





ئەم هەواڵە 10285جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad