English | عربی | Kurdî دواهەواڵ
ڕاستەوخۆ  
 
سەرۆک وەزیران بوویە بناغەیێ پێکڤەژیانێ ل کوردستانێ
2019-04-08 [03:41 AM]

نڤیسینا : سەربەست خالد کۆچەر


هەرێما کوردستانێ مینا وەلاتەکێ سەقامگیر و هێمن، ئاشتی ، ب پێکڤەژیانێ هاتی یە ناساندن. سەنگەرێ بەرگری بوویە ل ماف و خواستێن هەموو پێکهاتەیان ژ رویێ هەرێمی ، نافەندی ، نیڤ دەولەتی و هەلگرا پەیاما راستەقینەیا دەنگێ وان بوویە ل جیهانێ.پێکهاتەیێن ئولی و نەتەوەی بەردەوام خواستی نە هەمبێزا پێکڤەژیانێ ل کوردستانێ بکەن و لژێر سەرکردایەتی و سیبەرا حکومەتا هەرێما کوردستانێ ژیانەک باشتر و مسوگەر دەستڤەبێخن. هەلبەت ئەڤە بۆ وێ یەکێ ڤەدگەریت کو حکومەتا هەرێمێ تا رادەیەکێ باش شیا ماف و داخازیێن هەموو پێکهاتەیان بێ جیاوازی جێبەجێ و مسوگەر بکەت. دیسان ئارامی و ئاڤەدانی و پاراستنا ژین و ژیارا خەلکێ هەرێمێ بوویە سەدەمێ جهێ حەواندنا هەموو ئەدیان و ئولێن دی ل کوردستانێ. ل رۆژهەلاتا ناڤین و لسەر ئاستێ نیڤ دەولەتی هیچ حکومەتەک، مینا حکومەتا هەرێما کوردستانێ سیمایێ پێکڤەژیان،ئاشتیا ناڤچەیێ و دەڤەرێن ئاینێن دن لێ ئاکنجی، پاراستنا وێ ب ئەرکێ سەر ملێ خۆ نەدانایە وەکو حکومەتا هەرێمێ. ئەگەر ئاماژە ب رۆل و پێگەهێ حکومەتا هەرێمێ بکەم، نەخاسمە سەرۆك وەزیران نێچیرڤان بارزانی و بەرچاڤ رونیەکێ بکەین ل سالا ۲٠۱٤ێ دەمێ حکومەت توشی دژوارترین قەیرانا دارایێ بوی،د شەرێ مان و نەمانێ دا دگەل مەزنترین رێکخراوا تیرۆرستی داعش،هەڤدەم داگیرکرنا بەشەك ژ دەڤەرێن هەرێمێ، ئەنجامدانا مەزنترین تاوان دژی خەلكێ شنگالێ و خشك و برایێن ئێزدی ، ئاوارەبوونا بەشەکێ زۆر ژ خەلكێ وان ناڤچەیان، بەلێ ئەگەر حکومەتەك بهێزا سەرکێشیا سەرۆك وەزیران نێچیرڤان بارزانی نەبایە نهو کوردستان د رەوشەك نالەبار دابا و دقۆناغا نوکەیا بەر ب پێشکەفتن ، ئاڤەدانی نەدبوو. بەلێ ب هیمەت و قارەمانیا سەرۆك وەزیران،پێشوازی و سەرەدەریەکا باش دگەل ئاوارەیان هات کرن، هەمی پێدڤی و خزمەت گوزاری و جهێ حەواندنێ دابینکر بۆ خشك و برایێن ئێزدی، نفێسینگەهێن تایبەتمەند ب رزگارکرنا كچ و ژنێن دەستێ داعش دا هات ڤەکرن ژلایێ سەرۆك وەزیران. دەرئەنجام زۆر بەیا هەرە زۆرا وان هاتنە رزگارکرن، و کار ژ لایێ حکومەتا هەرێمێ دهێتەکرن بۆ ناساندنا جینوسایدا ئێزدیان ل جیهانێ و وێ تاوانا مەزنا دژی هەمی پیڤەر و پرەنسیپێن مرۆڤایەتیێ ل هەمبەری خشك و برایێن ئێزدی هاتی یە کرن،هەروەسا بەرسنگرتنا مەزنترین قەیران کر ل هەرێمێ و کەرتێ ئابوری و سەرجەم سەکتەرێن دی یێن ژیانێ باشتر لێهات ،تیرۆر و مەترسیا وێ ل هەرێمێ بنبرکر و نەهێلا، ئاسویەکێ ئارام و پێشکەفتن خواز بۆ خەلکێ هەرێما کوردستانێ پەیداکر. ل ڤێ داویێ ڤەکرنا دێرەکێ بۆ ئەرمەنان، کو بۆ جارا ئێکێ یە کەنیسەکا ئەرمەنان ل هەولێرا پایتەخت هاتی یە ڤەکرن ژلایێ حکومەتا هەرێمێ کو ب کوژمێ دوو ملیار دیناران بۆ تێچویێن وێ هاتبوو تەرخانکرن،کو نهادا ۱۲٠هزار کریستیان،ئەرمەن،مەسیحی ب هەمی لایەنان ل کوردستانێ ئاکنجی نە، واتە ئەو یەکە ئاشکەرا دبیت ، حکومەت بوویە زەمینەیێ رەخساندنا ژیان و خۆش گوزەرانیا هەمی پێکهاتەیان و دانان بەرێ بناغەیێ پێکڤەژیانێ ل هەرێما کوردستانێ، ئاسانکرن و دابینکرنا هەمی دەلیڤەیێن ژیانێ. پێدڤی یە زێدەتر هەول بهێنە دان بۆ ئاڤەدانی و پێشکێشکرنا خزمەتگوزاریان ژلایێ حکومەتێ چونکە پێکهاتەیێن کوردستانێ گەشبینن ل هەمبەر رۆلێ سەرۆك وەزیران، لەورا حکومەتا هەرێما کوردستانێ بەردەوام کارکریە بۆ پالپشتی و گرەنتیکرنا ماف داخوازیێن رەوایێن هەمی پێکهاتەیێن ئولی و نەتەوەی،ئایینی، مەسیحی،ئێزدی،کلدانی، ئەرمەنی. و کوردستان هەردەم دێ ب نافەندەکا گرنگ و ئێکگرتی، لێبورین، تەبایێ و ئاشتی بۆ گشت ئایین و ئاشتی خوازا مینیت.





ئەم هەواڵە 3304جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad