English | عربی | Kurdî دواهەواڵ
ڕاستەوخۆ  
 
ئێکەتیێ بۆچی خۆ گران کر و بۆچی رازی بوو ...؟ !
2019-04-10 [12:32 PM]

نڤیسینا : غیاس خالد زێباری


پشتی بوورینا نیڤ سالێ بسەر ھەلبژاردنێن پەرلەمانێ کوردستانێ و سەرکەفتنا مەزنا پارتی دیموکراتی کوردستان د ڤان ھەلبژاردنان دا ، پارتی وەکی سەرکەفتیا ئێکێ تێرا ھندێ کورسی بدەستڤەئینان کۆ بشێت دگەل ھەڤەپەیمانێن خۆ دەست ب چالاکیێن پەرلەمانی بکەت و سازیا سەرۆکاتیا ھەرێما کوردستانێ کارا بکەت و کابینا نوو پێک بینیت .
لێ ژبۆی ئێک رێزیێ و کۆدەنگیا نشتیمانی ، پارتی دەست ب دانۆستاندنا کر دگەل پارتیێن کوردستانی نەخاسمە یێن سەرکەفتی د ھەلبژاردنان دا ، ھەر زوو پارتی شیا نەیارا خۆ یا دوو سالێن دوماھیا ژیێ کابینا ھەشتێ کۆ بزاڤا گۆڕانە رازی بکەت و بگەھنە رێکەفتنەکێ لسەر پشکداریێ د کابینا نوو دا ، براستی ژی ئەڤ ھەلویست و سەرەدەریێن پارتی و گۆڕان دگەل ئێک ، جھێ دلخۆشیێ نە کۆ ئەڤ ھەردوو حزبە گەھشتینە وی ئاستی ناکۆکیێن خۆ ب سیاسەت بزانن نەک دوژمنکاری . 
ئەرێ بەری دوو سالان چ چاڤدێرێن سیاسی باوە دکر پارتی و گۆڕان لدەمەکێ ھۆسا یێ نێزیک دێ نێزیکی ئێک بن و ھەڤپەیمانیا پارتی گۆڕان نێزیکترە ل یا پارتی و ئێکەتیێ ..؟! .
ئانکۆ رێکەفتنا پارتی و گۆڕان دێ زۆر بساناھیتر بیت ل رێکەفتنا پارتی ئێکەتیێ کۆ چەندین ساڵا ھەڤپەیمان و حوکمدا بوونە ..؟ 
ئێکەتی نشتیمانی کوردستان وەکی پشکەکا سەرەکیا دەسھەلاتا کوردستانێ ل ھەلبژاردنێن ٣٠ ێ ئیلۆنێ دا جەماوەرەکێ زۆر لدەست دا و بوویە خودانا ٢١ کورسیێن پەرلەمانی ، ئەڤ شکەستنا وێ ژی ژ ئەنجامێ سیاسەتا وێ یا چەوت و ن دبەرژەوەندا کوردستانێ دا بتایبەت پشتی شازدێ ئکتۆبەرێ و زۆر نێزیکبوونا وێ ل ئیرانێ و دەسھەلاتداریا عیراقێ و ئەڤ حزبە بتەمامی کەڤتیە بن ئەجندایێن دەولەتا ئیرانێ و شیعەگەریا عیراقی و دوورکەفتنا وێ ل پاراستنا دەسکەفتێن نەتەوی و نشتیمانیێن کوردستانێ ، لەوما بەرەڤ پاشەرۆژەکا نەدیار دچیت . 
 ھەرچەندە ئێکەتی خۆ ب حزبەکا دیموکراتخواز و پێشکەفتی دادنێت لێ پشتی ڤان ھەلبژاردنا دیار بوو نە دیموکراتخوازە و نەژی یا پێشکەفتی یە ، بەلکی چ باوەری د دیموکراسیێ نینە ..!  ئەگەر حزبەکا دیموکراتخواز با دا لدیف بەرکەفتیێن خۆ یێن ھەلبژاردنان پشکداری حکومەتێ بیت ، یان ژی دا بریارا ئۆپۆزسیۆن بوونێ دەت . 
لێ پەنا برە بەر ڕەفتارێن نە دیموکراسی و زێدەی مافێن خۆ ، ب بەھانەیا ھەبوونا ھێزا چەکداری ، دێ شێت گڤاشتنا ل پارتی کەت بۆ بدەستڤەئینانا زێدەتر پۆستان ، ژلایەکێ جارەکا دی پەنا بەغدا برەڤە و ھەول دان پەیوەندیێن ھەرێمێ و بەغدا تێکبدەن و جار جار ژی نیشانێن ھەولێن دوو ئیدارەیی یێ لێ دیار بوو . 
دڤان شەش ھەیڤان دا ئێکەتیێ ھەمی کارتێن خۆ یێن فشارێ دژی پارتی بکارئینان ، ژلایەکێ دیتر ئێکەتیێ دڤان پێکئینانا حکومەتێ گیروو ببیت ، داکۆ پارتی وەکی سەرکەفتیا ئێکێ پێ گۆنەھبار بکەت و خەلک ل پارتی ڤەرەڤیت ، لێ پارتی باش د  سیاسەتا وان دگەھیت و لدووماھیێ ئێکەتی نەچار بوو ب وان مەرجێن بەراھیێ پارتی بۆ دیار کری رازی ببیت . 
دیارە ئێکەتی گەھشتە باوەریێ کۆ پارتی زێدەتر خۆ لبەندا وێ ناگریت و ئەرکێ وێ یە زێدەتر خەلکێ کوردستانێ چاڤەرێ نەھێلیت . 
دبیت ئێکەتیێ بۆ گیرووکرنا کابینا نوو و کاراکرنەڤا سازیا سەرۆکاتیا ھەرێما کوردستانێ گەھشبیتە وێ باوەریێ مانەڤا ڤان ھەردوو سازیان ددەستێ پارتی دا و ب ڤێ رێژا زۆرا پەرلەمانێ پارتی دێ شێت بەرنامێ خۆ یێ سیاسی و کارگێری و جڤاکی بجە بئینیت و کۆ بەرنامێن بەرفرەھێن ئاڤەدانیێ و گەشەبوونێ و چاکسازیایە کۆ بەری نھو ھەولێن جدی بۆ داینە ، لێ پشتەڤانی نەکرنا زۆربەیا وان حزبا سەرنەگرتیە ، نەخاسمە پرۆژێ نێچیرڤان بارزانی سەرۆکێ حکومەتا ھەرێما کوردستانێ و کاندیدێ پارتی بۆ سەرۆکاتیا ھەرێمێ یێ چاکسازیا و بەرھنگاربوونا گەندەڵیێ . بێ شک گاڤێن دەسپێکی یێن پارتی چ لسەر ئاستێ سەرۆکێ ھەرێمێ یان سەرۆکێ حکومەتێ دێ ب یاساکرنا وی پرۆژەی بن ، بجە ئینانا وی پرۆژەی ژی دەسکەفتەکێ ھەری مەزنە بۆ ھەرێمێ و شانازیێ وێ ژی دێ بۆ پارتی زڤریت . 
لسەر ئاستێن سیاسی و دبلۆماسی ژی کاندیدێ پارتی کەسایەتیەکێ سەرکەفتی و خۆدان پێگەھەکێ مەزنە لسەر ئاستێ نافخۆیی و ھەرێمی و نیڤ دەولەتی ، دێ شێت سەرکەفتنێن مەزن تۆمار بکەت ، ھەر وەکی لڤان ساڵێن بووری نەخاسمە پشتی خیانەتا شازدێ ئکتۆبەرێ و شکاندنا گەماروویێن سیاسی و ناڤبرنا پیلانێن سیاسی و نەھێلانا قەیرانا ئابووری و دارایی  لسەر دەستێ جەنابێ وی . 
ل قۆناغا بھێت دێ سەروەریێن مەزنتر تۆمارکەت و پێگەھێ ھەرێما کوردستانێ دێ بھێزتر کەت و پشتەڤانیەکا مەزنا نیڤ دەولەتی بۆ ھەرێمێ دێ دابین کەت .
بڤان ھەمی گەف و داخازیێن لخۆ مەزنتر ئێکەتی نەشیا چ بدەست بێخیت ، دزانیت ژی ب ئۆپۆزسۆن بوونا وێ زیانێن مەزن ژلایێ ئابووری و جەماوەری دێ گەھنێ و بەرامبەر وێ چەندێ پێگەھێ جەماوەریێ پارتی دێ بھێزتر و خۆرتر بیت .





ئەم هەواڵە 5167جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad