English | عربی | Kurdî دواهەواڵ
ڕاستەوخۆ  
 
مۆڵه‌تی شەش مانگی درایه‌ بەریتانیا
2019-04-11 [10:36 AM]

ZNA - هه‌ولێر


 

سه‌ركرده‌كانی یەکێتی ئەوروپا شەش مانگی دیکەیان دایە به‌ریتانیا تاوەکو لە یەکێتیەکە جیاببێتەوە، ئەوەش لەو ماوەیە زیاترە کە سەرۆک وەزیری به‌ریتانیا تێریزا مەی دەڵیت پێویستیەتی بەڵام کەمترە لەو ماوەیەی زۆرێک لە یەکێتیەکە دەیانویست.

 

ئەم ڕێکەوتنەی یەکێتیەکەش سەبارەت بە دواخستنی جیابوونەوەکە مانای ئەوەیە به‌ریتانیا بەبێ ڕێکەوتن جیانابێتەوە، بەڵام ئاماژەیەکی ڕوون نادات لەسەر کات و چۆنێتی جیابوونەوەکە و تەنانەت جیابوونەوەکە خۆشی لەکاتێکدا سەرۆک وەزیری به‌ریتانیا تێریزا مەی هەوڵدەدات پشتیوانی پەرلەمانی وڵاتەکەی دەستبکەوێت سەبارەت بەو ڕێکەوتنەی کە لەگەڵ یەکێتی ئەوروپادا ساڵی ڕابردوو واژۆی کرد.

 

ڕاوێژکاری ئەڵمانیا ئانگێلا مێرکڵ وتی به‌ریتانیا ناچار ناکرێت لە یەکێتیەکە جیاببێتەوە و وتیشی پێویستە به‌ریتانیا خۆی بەدووربگرێت لە جیابوونەوە بەبێ ڕێکەوتن، ئەمە مانای وایە هیچ گومانێک نیە لەوەدا کە مەی ئەو درێژکردنەوەیەی دەست دەکەوێت کە پێویستییەتی.

 

سەرۆکی فەڕەنسا ئیمانوێل ماکرۆن داوای لە ڕابەرانی یەکێتی ئەوروپا کرد و هەوڵیدا ڕازیان بکات کە ئەو ماوەیەی دەدرێتە به‌ریتانیا نەگاتە ساڵێکی دیکە.

 

voa





ئەم هەواڵە 6100جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad