English | عربی | Kurdî دواهەواڵ
ڕاستەوخۆ  
 
ئیسرائیل بە موشەک سوریای بۆردومانکرد
2019-04-14 [05:56 AM]

ZNA- ھەولێر


نهێنیی بۆردومانەکەی شەوی رابردووی فڕۆکە جەنگییەکانی ئیسرائیل بۆ سەر ناوچەیەکی سووریا، ئاشکرا دەبێت.

 

کاتژمێر 2:30ـی بەرەبەیانی ئەمڕۆ شەممە 13-4-2019، فڕۆکە جەنگییەکانی ئیسرائیل چەند بنکەیەکیان لە شاری مسیاف لە گوندەوارەکانی حەما بۆردومان کرد.

 

ئاژانسی (سانا)ی فەرمیی سەر بە رژێمی سووریا رایگەیاندبوو، کە بۆردومانەکە کراوەتە سەر چەند بنکەیەکی رژێمەکە و بەهۆیەوە سێ چەکداری رژێم بریندار بوون.

 

ئەمڕۆ یەکشەممە 14-4-2019، رووانگەی سووری بۆ مافەکانی مرۆڤ لە بەیانناەیەکدا رایگەیاندووە، جگە لە بۆردومانکردنی بنکەیەکی سەر بە رژێمی سووریا، بۆردومانەکە دوو بنکەی هێز و میلیشیاکانی سەر بە ئێرانیشی کردووەتە ئامانج.

 

هەروەک رووانگەی سووری رایگەیاندووە، دوو بنکە ئێرانییەکە بریتی بوون لە؛

 

- سەنتەرێکی پەرەپێدانی مووشەکی مەودا مامناوەند لە گوندیی زاوی لە ناوجەکە.

- سەربازگەیەکی مەشقی ئێرانی لە گوندی شێخ غەزبن لە ناوچەکە.

 

لەسەرەتای شەڕی ناوخۆیی سووریاوە، ئێران بە ناردنی چەک و میلیشیای چەکداری هاوکاریی رژێمی سووریا لە دژی گرووپەکانی ئۆپۆزیسیۆن دەکات و ئیسرائیلیش بەردەوام هەڕەشەی ئەوە دەکات، کە هەر جموجۆڵێکی میلیشیا ئێرانییەکان لە سووریا، دەبێتە ئامانجی فڕۆکە جەنگییەکانیان.

 

لە مانگی ئاداری 2011ـەوە شەڕی ناوخۆیی لە سووریا لەنێوان گرووپەکانی ئۆپۆزیسیۆن، رێکخراوە تیرۆریستییەکانی داعش و قاعیدە و رژێمی سووریا دروست بووە.

 

بەھۆی ئەو شەڕانەوە، کە سەراپای وڵاتەکەی گرتووەتەوە، زیاتر لە پێنج ملیۆن ھاووڵاتیی لە ناوخۆی وڵاتەکە، بۆ وڵاتانی دەوروبەر و جیھان ئاوارە بوون و زیاتر لە نیو ملیۆن کەسیش گیانیان لەدەست داوە.





ئەم هەواڵە 5542جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad