English | عربی | Kurdî دواهەواڵ
ڕاستەوخۆ  
 
ئارامیا ئه‌رمه‌نان!!
2019-04-14 [05:44 AM]

نڤیسینا : شێرزاد نایف


گه‌له‌ك نێرینێن دیرۆكناسان ته‌كه‌ز دكه‌ن بۆچوونا نه‌ژادێ‌ هه‌ردو تائیفان كوردی و ئه‌رمه‌نی كو دئارینه‌ ئێك، توخم بووینه‌ به‌لێ‌ ئێكێ‌ رێیا ئیسلامێ‌ گرت و یا دن ژی مانه‌ سه‌ر دینێ‌ مه‌سیحیه‌تێ‌، هه‌ردوو هاتنه‌ بۆهژاندن د بۆته‌قه‌یا داگیركاریێ‌ ڤه‌ و ب تایبه‌ت ژی ل سه‌ر ده‌مێ‌ ئوسمانی و پشتی په‌یمانا سیڤه‌ر، هه‌لبه‌ت ژ به‌ر مه‌ترسیا هه‌ردویان توركیا و حه‌تا نها ژی جۆره‌كێ‌ فۆبیایێ‌ ژێ‌ گرتیه‌، دانپێدانێ‌ ناكه‌ت ب وان كوشتارێن ب سه‌رێ‌ ئه‌رمه‌نان ئیناین و كورد كرینه‌ توركێن چیایان، ئه‌ڤێ‌ مه‌ترسیێ‌ و ب پشتبه‌ستنا دو فاكته‌رێن ب هێز هه‌ردو نه‌ته‌وه‌ هێلان ته‌په‌سه‌ر و سه‌ر كوتگرن، ب گه‌له‌ك ره‌نگان، ئێك، ب به‌هانا ئیسلامێ‌ و گاوركرنا ئه‌رمه‌نان و هه‌ر وه‌سا ب پشته‌ڤانیكرنا وه‌لاتێن هه‌ڤسوی توركیا كو هه‌ردویان ئێك جۆرێ‌ فۆبیایێ‌ هه‌بووینه‌، رابوون خواستن ب هه‌موو رێیان ڤان هه‌ردو پێكهاتان بهۆژینن، ئێك ژ وان هه‌ولان ژی ئه‌وبوو چاندنا كه‌ربوكینێ‌ د ناڤبه‌را هه‌ردویان دا، ئه‌و ژی كرینا بێبه‌ختیێ‌ و خیانه‌تێ‌ ژ چه‌ندین توخمێن كورد یێن خوه‌فرۆش، وه‌كو چه‌ته‌یێن وان، كوك وردان ب ئه‌رمه‌نان را به‌رده‌ن، سیاسه‌تا ب سلامه‌ته‌ بۆ وان!!. ئه‌ڤ گومانه‌ هه‌تا ئه‌ڤرۆ چریسكه‌كا بچووك مابوو، به‌لێ‌ ئه‌ڤرۆ و پشتی ده‌ستێ‌ كوردی و نیازا راست و دروست یا ده‌روونا تاكێ‌ كورد دیاربوو، پشتی كو ژ بن سیهوانا داگیركاریێ‌ قورتال بووی حه‌تا راده‌كێ‌ باش، بۆ هه‌میان دیاربوو كو ئه‌ڤه‌ ئه‌ردێ‌ پێكڤه‌ژیانێ‌ و هه‌ڤدو قه‌بوولكرنێ‌ یه‌، كورد و ئه‌رمه‌ن ئێك نه‌ژادن و ئه‌ڤرۆ حوكمه‌تا هه‌رێما كوردستانێ‌ پشتی ماندیبوونه‌كا دوورو درێژ شیا مه‌ره‌ما ده‌لێ‌ خوه‌ بۆ برایێ‌ خوه‌ یێ‌ ئه‌رمه‌ن بجهبینیت و مه‌زنترین دێر بۆ وان بهێته‌ ئاڤاكرن ل هه‌ولێرا پایته‌خه‌ت، ب گۆژێ‌ دو ملیار دیناران، كه‌سێ‌ سه‌رۆكێ‌ وه‌زیران ب خوه‌ نێچیرڤان بارزانی ل سه‌ر راوه‌ستیا و گرنگیه‌كا ئێكجار دایه‌ ڤی بابه‌تی، ئه‌ڤه‌ ژی به‌رده‌وامیپێدانا سامانێ‌ بابوباپیرانه‌ ده‌مێ‌ د هانا ئه‌ندرانیكی چووین، پاشایێ‌ ئه‌رمه‌نان و بگه‌هیننه‌ كنارێ‌ ئارام و بكه‌ڤنه‌ ریسكه‌كا كوژه‌ك، ب خوین و تێكۆشانان و فیداكاریێ‌ خواستی ده‌ستێ‌ كوردی بده‌ته‌ به‌ر ده‌رده‌سه‌ریێن برایێن خوه‌ یێن ئه‌رمه‌ن، مسته‌فا بارزانی بابێ‌ نه‌ته‌وا كورد یێ‌ نه‌مر دبێژیت كو ئه‌وان ل ده‌مێ‌ چووینه‌ سنۆرێ‌ كوردستانا توركیا بهانه‌یا هندێ‌ خواستن بگه‌هنه‌ ئه‌رمه‌نان ـ وه‌كو پلانا شه‌ر ـ شه‌ر خدعه‌یه‌ !!، كو ئه‌م موسلمانین دێ‌ چینه‌ شه‌رێ‌ كافران، داتورك رازی ببن ئه‌و هێز ده‌رباز ببن، و ژنوی ئه‌ندرانیك پاشا یێ‌ ئه‌رمه‌نان و ده‌ربازی سووریێ‌ بكه‌ن و ژ مرنه‌كا مسۆگه‌ر قورتال بكه‌ن، ل دووماهیێ‌ ئه‌و پلانا وان بسه‌ركه‌ڤت و شیان شاهێ‌ ئه‌رمه‌نان قورتال بكه‌ن، و ژنوی له‌شكرێ‌ توركیا هێرشی هێزا بارزانیان كرن پشتی ب سه‌ر وێ‌ پلانێ‌ هه‌لبووین، بارزانی ب رێیا زاخۆ زڤرینه‌ ڤه‌ ئه‌ردێ‌ كوردستانا عیراقێ‌ پشتی به‌رگریه‌كا دژوار ل به‌رامبه‌ر له‌شكرێ‌ توركیا و بریندار و شه‌هیده‌ك پێشكێش كرن. ئه‌ڤجا دڤێت دیرۆكا راست بهێته‌ دیاركرن و ئه‌و تۆزا ب سه‌ردانایی دوژمنان، دڤێت بهێته‌ راكرن هه‌كه‌ نه‌ ب تنێ‌ ب نڤیسین و گۆتن بیت، ئه‌ڤه‌ نێچیرڤان بارزانی ب كریار سه‌لماند و پیگه‌هه‌كێ‌ خورت بۆ برایێن ئه‌رمه‌ن ل هه‌ولێرا پایته‌خت دانا و هێشتا ژی ئه‌ڤ گرۆڤه‌ یێن مایین، و ئه‌و ده‌رده‌سه‌ریێن كوردان دیتین نه‌ ددوورن ژ یێن ئه‌رمه‌نێن بێگونه‌ه دیتین ژ ده‌ستێ‌ هه‌مان دوژمنان و هه‌مان دۆزێن ره‌وا..





ئەم هەواڵە 1015جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad