English | عربی | Kurdî دواهەواڵ
ڕاستەوخۆ  
 
به‌وێنه‌....وه‌زاره‌تی پێشمه‌رگه‌ سه‌دان چه‌كی ده‌ستگیركراو له‌ناوبرد
2019-04-15 [06:25 AM]

ZNA-هەولێر


 

ئه‌مڕۆ 14-4-2019 وه‌زاره‌تی پێشمه‌رگه‌ له‌ رێگه‌ی لیژنه‌یه‌كی تایبه‌ته‌وه‌ سه‌دان چه‌كی ده‌ستگیركراوی له‌ناو برد.


له‌ 10/2/2019 وه‌زاره‌تی ناوخۆی حكومه‌تی هه‌رێمی كوردستان بڕیارێكی شه‌ش خاڵیی بۆ ده‌ستبه‌سه‌رداگرتنی گشت چه‌ك و ته‌قه‌مه‌نیه‌كی قورس و مامناوه‌ند و چه‌كی بێ مۆڵه‌ت دەركرد و ، داموده‌زگا په‌یوه‌ندیداره‌كانیش رێوشوێنی پێویستیان بۆ جێبه‌جێكردنی بڕیاره‌كه‌ گرته‌به‌ر.


له‌ دوای ئه‌و بڕیاره‌وه‌‌ تا ئێستا سه‌دان پارچه‌ چه‌كی كۆن و نوێ ، كه‌ زیاتر چه‌كی راوكردن و ژماره‌یه‌كی كه‌م چه‌كی ئاسایی بوون و له‌لایه‌ن داموده‌زگاكانی ئاسایش و پۆلیسی سه‌ر به‌ وه‌زاره‌تی ناوخۆی حكومه‌تی هه‌رێمی كوردستانه‌وه ده‌ستگیركرابوون.


له یه‌كێك له‌ خاڵه‌كانی ‌ بڕیاره‌كه‌دا هاتبوو، ئه‌و چەكه‌ قورس ‌و مامناوەندانه‌ی‌ راده‌ست ده‌كرێن یان دەستیان بەسەردا ده‌گیرێت لە رێگەی لیژنەیەكی تایبەتمەند و بە رێكارێكی یاسایی رادەستی وەزارەتی پێشمەرگە دەكرێن.


ئه‌مڕۆ یه‌كه‌م ئه‌نجام و هه‌نگاوی ئه‌و بڕیاره‌ جێبه‌جیكراو ئه‌و چه‌كه‌ ده‌ستگیركراوانه‌ له‌لایه‌ن لیژنه‌یه‌كی تایبه‌تی وه‌زاره‌تی پێشمه‌رگه‌وه‌ له‌ كارگه‌ی تواندنه‌وه‌ی ئاسن له‌ هه‌ولێر له‌ناوبران. چه‌كه‌كان نزیكه‌ی هه‌زارو چوارسه‌د پارچه‌ چه‌كی ئاسایی و چه‌كی راوكردن بوون.

 

به‌شێك له‌و چه‌كانه‌ له‌ناوخۆی هه‌رێم ده‌ستبه‌سه‌ركرابوون ، به‌شێكی دیكه‌شیان له‌ سه‌ر سنوره‌كانی هه‌رێم ده‌ستگیكرابوون كه‌ خاوه‌نه‌كانیان به‌ نیازبوونه‌ به‌ رێگه‌ی قاچاغ بیانهێننه‌ ناو هه‌رێمی كوردستانه‌وه‌.

 





ئەم هەواڵە 4714جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad