English | عربی | Kurdî دواهەواڵ
ڕاستەوخۆ  
 
بڕیاری لێخۆشبوونی بنەماڵەی شەهیدان لە پێشینەكان گۆڕانكاری بەسەر دادێت
2019-04-16 [06:46 AM]

​ZNA – هەولێر


پێشتر حكومەت لێخۆشبوونی قەرزەكانی پێشینەی تەنها بۆ خودی شەهیدان و بێسەرووشوێبوانی شەڕی داعش دەركردبوو بەڵام ئێستا بڕیارەكی نوێ دەركراوە و بۆ ئەوەی هاوسەرانیان سودمەندبن لەبڕیارەكەی حكومەت.

پێشووترحكوومەتی هەرێمی كوردستان بڕیاریدابوو لە قەرزی هاوسەرگیری و خانووبەرە و سندوقی نیشتەجێبوونی سەر (شەهیدان و بێسەروشوێنانی پێشمەرگە و و هێزەكانی ئاسایشی ناوخۆ و هێزەكانی پاسەوانی سنوور و هاوڵاتیانی خۆبەخش و فەرمانبەرانی راژەی شارستانی) كە لە سەنگەرەكانی شەڕی داعش گیانیان بەخت كردووە و یان بێ سەروشوێنن خۆش بێت.

لە نوێترین بڕیاردا بەپێی ڕێنمایی دارایی كە ژمارە 8 وەزارەتی دارایی لە 11ی4ی 2019 دەریکردووە بڕیاری ئەوە دراوە لێخۆشبوونی پێشینەکانی هاوسەرگیری و خانووبەرە و سندوقی نیشتەجێبوون بۆ هاوسەری شەهیدانی جەنگی دژی داعش دەربكرێت،هاوكات لە داهاتووشدا پێشینەی خانووبەرە و سندوقی نیشتەجێبونییان پێ بدرێت.

بەپێی ئاماری وەزارەتی پێشمەرگە لە شەڕی داعش هەزارو 800 پێشمەرگەی شەهید بوونە و 62 پێشمەرگەش ونبوونە، بڕیارەكە زۆرێك لە بنەماڵەی ئەو كەسانە دەگرێتەوە.

سەباحەت حەمە تاهیر بەرێوبەری بانكی خانووبەرە لە وەزارەتی دارایی بە باسی راگەیاند: پێشووتر تەنها لێخۆش بوون بۆ خودی شەهیدەكانی شەڕی داعش كرابوو، گوتی: ئێستا بەپێی رێنمایی تازە لێخۆشبوون بۆ هاوسەری ئەو شەهیدانە و بێ سەرووشوێن بوەكانی شەڕی داعشیش دەكرێت".

روونی كردەوە بەپێی ئەو رێنماییەی وەزارەتی دارایی دەری كردووە مامەڵە لەگەڵ ئەو بابەتە دەكەن، بۆ ئەوەی هاوسەری شەهیدان لەو رێنماییە سودمەند بن، پێویستە پشتگیریەك بهێنن كە بیسەلمێنێت هاوسەرەكانیان شەهید بووە، لەگەڵ هێنانی نوسراوی وەفاتنامە و نوسراوی پشتگیری لە وەزارەتی شەهیدان بۆ بانكی خانووبەرە و بانكی نیشتەجێبوون و گەنجینەكان.





ئەم هەواڵە 3778جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad