English | عربی | Kurdî دواهەواڵ
ڕاستەوخۆ  
 
داواكاری گشتی داوای درێژكردنەوەی خزمەتی هەندێك لە فەرمانبەرەكانی دەكات
2019-04-16 [07:32 AM]

ZNA – هەولێر


حكوومەت بریاری دەركرد بۆ ئەوەی فەرمانبەران لە كاتی خۆیان خانەنشین بكرێن، بەڵام دیوانی چاودێری دارایی بەپێچەوانەی ئەو بڕیارە داوای درێژكردنەوەی راژەی چەند فەرمانبەرێكی دەكات.

بەپێی نوسراوێكی سەرۆكایەتی ئەنجومەنی وەزیرانی كوردستان كە لە 4ی 3ی 2019 دەرچووە ئاماژە بەوەكراوە،دەبێت وەزارەتەكان پابەندی ئەوەبن كە پێش تەواو بوونی تەمەنی یاسایی فەرمانبەران مامەڵەیان بۆ بكەن و خانەنشینیان بكەن، لە نوسراوەكەدا هاتووە فەرمانبەر تەمەنی یاساییان تەواو بێت لە هەرپلەو پایەكدا بێت دەبێت رێكارە یاسایی و كارگێریەكانیان بۆ ئەنجام بدرێت بۆ خانەنشینیان، لە رۆژی تەواوبوونی ماوەی یاساییان فەرمانی خانەنشین كردن و دەست لەكارهەڵگرتنیان بۆ دەربچێت".

 لەو نوسراوەدا كە بۆ دیوانی چاودێری دارایییش نێردراوە، هۆشداری دراوە ئەگەر مامەڵەی خانەنشینی بۆ ئەو فەرمانبەرانە نەكرێت رێكاری یاسایی دەگیرێتە بەر. پێچەوانەی ئەو بڕیارە،داواكاری گشتی ،بەپێی نوسراوی ژمارە 295 كە لە 3ی 4ی 2019 دەرچووە و ئاماژە بەوەكراوە كە دەیانەوێت 2 ساڵی تر لە خزمەتی 3 فەرمانبەریان درێژبكرێتەوە و خانەنشین نەكرێن.

ئەو فەرمانبەرانە لە مانگی 5ی داهاتوو لەگەڵ مانگی 7ی داهاتوو خانەنشین دەبن و دەستەكە دەیەوێت 2 ساڵیان بۆ درێژ بكاتەوە.

خالید هادی چاوشلی، سەرۆكی دیوانی چاودێری دارایی بە باسی راگەیاند: پێویستیان بەئەزموونى ئەو فەرمانبەرانەیە بۆیە داوای درێژكردنەوەی خزمەتیان دەكەن، گوتی: "ئەو بڕیارەی كە ئەنجومەنی وەزیران دەری كردووە ئەوەبیروڕای خۆیانە و ئەو فەرمانگانە دەگرێتەوە كە دەكەونە ژێر ركێفی خۆیان، ئێمە فەرمانگەیە سەربەخۆین،لەگەڵ ئەوەشدا رێز لە بڕیارەكانی ئەنجومەنی وەزیران دەگرین".

روونی كردەوە پێویستیان بە ئەزموونی ئەو كەسانە هەیە بۆیە داوای درێژكردنەوەی خزمەتیان كردووە، گوتیشی:" ئەوان بەشێكن لە نەوەی كۆن، زمانی ئینگلیزی باش دەزانن،ئەگەر ئەوانە بپچڕێن ئەوە كێشەمان بۆ دروست دەبێت".

 





ئەم هەواڵە 3403جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad