English | عربی | Kurdî دواهەواڵ
ڕاستەوخۆ  
 
ترەمپ دواین بۆچوونی خۆی لەبارەی سیستمی ئێس-400 داوەتە تورکیا
2019-04-16 [07:43 AM]

ZNA- ھەولێر


بێرات ئەلبایراک، وەزیری دارایی تورکیا، چاوی بە دۆناڵد ترەمپی سەرۆکی ویلایەتە یەکگرتووەکانی ئەمەریکا کەوتووە و باسیان لە کڕینی سیستمی ئێس-400ی رووسی لە لایەن تورکیاوە کردووە.

بەگوێرەی هەواڵێکی تەلەڤزیۆنی NTV، وەزیری دارایی تورکیا لە بارەی کۆبوونەوەی لەگەڵ ترەمپ رایگەیاندووە: "ترەمپ چەند خاڵێکی بەجێی هەبوو لەبارەی کڕینی سیستمی بەرگری مووشەکی ئێس-400ی رووسی لە لایەن تورکیاوە".

راشیگەیاندووە: "لەگەڵ واشنتن رێککەوتووین بارزگانی هەردوولا بۆ 75 ملیاری ساڵانە زیاد بکەین".

پێشتر مایک پۆمپیۆ، وەزیری دەرەوەی ئەمەریکا رایگەیاندبوو، ئەگەر تورکیا سیستمی ئێس-400ی رووسیا بکڕێت، ئەوا ویلایەتە یەکگرتووەکانی ئەمەریکا ئابڵووقەی دەخاتە سەر.

جیا لەوەش، ئەمەریکا ئامادە نییە فڕۆکەی ئێف-35ی ئەمەریکی بە ئەنقەرە بفرۆشێت ئەگەر بێت و تورکیا واز لە کڕینی سیستەمە رووسیەکە نەهێنێت، جیا لەو سیستەمە رووسییەش، ئەمەریکا و تورکیا چەند کێشەی دیکەی وەک رادەستکردنی فەتحولا گیولەن، سزاکانی سەر ئێران، سیاسەتی رۆژهەڵاتی ناوەڕاست و جەنگی سووریایان هەیە.





ئەم هەواڵە 5692جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad