English | عربی | Kurdî دواهەواڵ
ڕاستەوخۆ  
 
لیژنه‌ى كشتوكاڵ و ئاودێری له‌په‌رله‌مان : كار له‌سه‌ر گرنگیدان به‌ به‌رهه‌مى ناوخۆیی ده‌كه‌ین
2019-04-16 [11:40 AM]

ZNA-هه‌ولێر


به‌مه‌به‌ستى دروستكردنى هه‌ماهه‌نگى و گرنگیدانى زیاتر به‌به‌رهه‌مه‌ ناوخۆییه‌كان، سه‌عات 11ى پێشنیوه‌ڕۆى ئه‌مڕۆ سێشه‌ممه‌ 2019/4/16، لیژنه‌ى كشتوكاڵ و ئاودێرى له‌په‌رله‌مانی كوردستان، به‌سه‌رپه‌رشتیى عوسمان عه‌لى، سه‌رۆكى لیژنه‌ و ئاماده‌بوونی جێگر و بڕیارده‌ر و ئه‌ندامانی لیژنه‌كه‌، له‌ هۆڵی لیژنه‌ له‌ ته‌لاری په‌رله‌مان، له‌گه‌ڵ كۆمه‌ڵه‌ى په‌له‌وه‌رانى كوردستان كۆبۆوه‌.

له‌ كۆبوونه‌وه‌كه‌دا گوێ له‌كێشه‌و گرفته‌كانى به‌رده‌م سێكته‌رى په‌له‌وه‌ر گیراو گفتوگۆش له‌سه‌ر دۆزینه‌وه‌ى میكانیزمێك بۆ چاره‌سه‌رى كێشه‌كان كرا.

هه‌روه‌ها باس له‌ چۆنیه‌تیى دروستكردن یان پێكهێنانى ژوورێك له‌ گشت سێكته‌ره‌كانى كشتوكاڵى و سامانى ئاژه‌ڵ و په‌له‌وه‌ر و رووه‌ك كراو هه‌وڵبدرێت بكرێته‌ پڕۆژه‌و بخرێته‌ به‌رده‌ستى سه‌رۆكایه‌تیى په‌رله‌مانى كوردستان به‌مه‌به‌ستی ئه‌نجامدانی رێكاره‌ یاساییه‌كانى.

له‌به‌شێكى دیكه‌ى كۆبوونه‌وه‌كه‌دا باس له‌ دروستكردنى هه‌ماهه‌نگى له‌ نێوان لیژنه‌ى كشتوكاڵ و ئاودێرى له‌په‌رله‌مانى كوردستان و وه‌زاره‌تى كشتوكاڵ كرا بۆ چاره‌سه‌ركردنی گرفته‌كانى به‌رده‌م سێكته‌ره‌كانى كشتوكاڵ و جووتیاران و هه‌وڵى جدى بدرێت به‌ گرنگیدان به‌ به‌رهه‌مى ناوخۆیی.

له‌كۆتایی كۆبوونه‌وه‌كه‌شدا كۆمه‌ڵه‌ى په‌له‌وه‌رانى كوردستان داواى له‌ لیژنه‌ى كشتوكاڵ و ئاودێرى كرد پشتیوانیان بكه‌ن و به‌فه‌رمى داوا له‌حكومه‌ت بكه‌ن له‌كاتى پێگه‌یشتنى به‌روبوومه‌ كشتوكاڵییه‌كانى ناوخۆی هه‌رێم رێگه‌ نه‌درێت به‌رووبووم له‌ ده‌ره‌وه‌ى هه‌رێمی كوردستانه‌وه‌ هاورده‌ى هه‌رێم بكرێت و گرنگى به‌به‌رهه‌مى خۆماڵى بدرێت.





ئەم هەواڵە 3088جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad