English | عربی | Kurdî دواهەواڵ
ڕاستەوخۆ  
 
ژینگه‌هێ مه‌ مالا مه‌یه‌
2019-04-20 [03:27 AM]

نڤیسینا : زێره‌ڤان ته‌مو


وه‌لاتێ مه‌ كوردستان ئێك ژ وان جهێن جوان و دلڤه‌كه‌ره‌ دهه‌رچوار وه‌رزێن سالێ دا، نه‌خاسم ژ روویێ ژینگه‌ه و گه‌شت و گوزارێ ڤه‌ و خه‌مل و جوانى و دیمه‌نێن سروشتى ڤه‌، یا دلڤه‌كه‌ره‌ ب چیا و كانى و سیلاڤا و ریبار و هاڤینگه‌ه و دارێن به‌ردار و گول و گیا و هتد..
دڤى وارى دا و لڤى وارگه‌هێ تو خۆ دبینى كو دناڤ تابلویێن هه‌مه‌ره‌نگ و بێ هه‌ڤتادا دژى ، به‌روڤاژى هند وه‌لاتان كو ئه‌و چوار وه‌رزێن مه‌ هه‌ین ل وان وه‌لاتان نینه‌ و هند ژوانا ئاڤا وانا تاله‌ یان سیره‌ و هندان ژى بیابانه‌ و هند ژ وه‌لاتان بتنێ هاڤینه‌ و هند ژى به‌س زڤستانه‌ و تێنا رۆژێ وان نینه‌ .
لێره‌دا و نها وه‌رزێ گه‌شت و سه‌یران و یاد و هه‌لكه‌ڤتایه‌، نه‌خاسم نها وه‌رزێ سه‌یرانێن خێزانا و قوتابیێن قوتابخانه‌ و په‌یمانگه‌ه و كولیژایه‌ ، دیسان گێرانا شه‌هیانایه‌ دناڤ ژینگه‌ه و سروشتێ جوان دا ، وه‌كو پێتڤى و بیرئینانه‌ك گرنگه‌ ئه‌م هه‌ر ئێك ژلایێ خوڤه‌ گرنگیێ ب پاكژیا ژینگه‌هى بده‌ین و هشیاربین جوانیا سروشت و ژینگه‌هێ خۆ تێك نه‌ده‌ین، و دڤێت پتر هه‌ولبده‌ین ژینگه‌هێ خۆ خه‌ملدارو جوانتربكه‌ین و بپارێزین و پاكژ رابگرین وه‌كو ئه‌ركه‌ك ژینگه‌ دوستى و مروڤایه‌تى و نه‌ته‌وه‌یى و ئاینى ..
دیاره‌ ژى حكومه‌تا هه‌رێما كوردستانێ و رێكخراوێن سڤیل پیته‌و گرنگییه‌كا هه‌رى باش ب ژینگه‌هێ كوردستانێ دده‌ن و كاردكه‌ن ژبۆ ژینگه‌هه‌كێ پاقژ و ساخله‌م د ئه‌ڤ ساله‌دا ژى ل رێو رسمێن رۆژا ژینگه‌هێ كوردستانێ نێچیرڤان بارزانى دیاركر :" ره‌فتارێن چاك دگه‌ل ژینگه‌هى ئه‌ركه‌ و دوپاتكر تا ژینگه‌ه پاقژ بیت مه‌ترسى لسه‌ر ژیانێ كێمتره‌ ."هه‌ر ژبۆ ڤێ مه‌ره‌مێ ژى هه‌وه‌كا ئێك هه‌فتى ژبۆ ڤێ مه‌ره‌مێ راگه‌هاند پێخه‌مه‌ت هه‌ر ئێك ژبالخوڤه‌ كار ل وارێ پاراستن و پاقژكرن و جوانتر كرنا ژینگه‌هى رولێ خۆ بگێریت ...
له‌وما فه‌ره‌ ل ده‌مێ گه‌شت و سه‌یرانان هند خال لبه‌رچاڤ بهێنه‌ وه‌رگرتن و ژ گرنگترین خالێن من دڤێت ئاماژێ پێ بده‌م ئه‌ڤه‌نه‌ :-
1- دڤێت دارو نه‌مام بهێنه‌ پاراستن و نه‌هێنه‌ شكاندن ژبه‌ركو لدویڤ ڤه‌كولینێن زانستى هه‌ر داره‌ك 120 كگم یێن گازا ئوكسجینێ به‌رهه‌م دئینیت ڤێ چه‌ندێ ژى گرنگیا خۆ هه‌یه‌ كو مروڤ رۆژانه‌ پێتڤى ب 680گم ێن گازا ئوكسجینێ یه‌ لێره‌دا دیار دبیت كو هه‌ر داره‌ك تێرا خێزانه‌كا چوار كه‌سى گازا ئوكسجینێ به‌رهه‌م دئینیت.
2- دیسان خاله‌كادیتر ئه‌وه‌ كو به‌رماك و پاشماوێن خۆ كومبكه‌ین ل ده‌مێ سه‌یرانان داكو نه‌بیته‌ ئه‌گه‌رێ تێكدانا ژینگه‌هى و په‌یدابوونا نه‌خوشیان ، له‌وما پێتڤییه‌ گه‌شتیار هه‌ست ب وێ چه‌ندێ بكه‌ت كو لدویڤ دا دێ هند كه‌سێن دى قه‌ستا وى جهى كه‌ن ژبۆ بوراندنا ده‌مه‌كێ خۆش.
3- هه‌روه‌ها خاله‌كا دیتر یا گرنگ ئه‌وه‌ كو زۆر جاران هند خێزان نه‌فتێ دگه‌ل خۆ دبه‌نه‌ سه‌یرانان ژبۆ هه‌لكرنا ئاگره‌كى كو وێ نه‌فتێ دكه‌نه‌ جهێن ئاڤێ دا ئه‌ڤجا هند كه‌س هه‌ست پێناكه‌ن دێ ڤه‌خون یان ده‌مێ دڤێت ئاگرى ڤه‌مرینن بڤێ ئێكێ نه‌فتێ ب ئاگرى دادكه‌ن و دبیته‌ ئه‌گه‌رێ په‌یدابوونا نه‌خوشیێ و ئاگربه‌ربوونێ.
ب ره‌نگه‌كێ گشتى ئه‌ركێ مه‌ هه‌میانه‌ بێ جوداهى داكو وه‌لاتێ مه‌ هه‌رده‌م یێ رند و ئاڤه‌دان بیت و رووگه‌ها هه‌مى گه‌شتیاران بیت دڤێت جوانتر و خه‌ملداتربكه‌ین و ب مالا خۆ یا ئێكان ب هه‌ژمێرین.





ئەم هەواڵە 4165جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad