English | عربی | Kurdî دواهەواڵ
ڕاستەوخۆ  
 
سوودە تەندروستیەکانی تاعین
2019-04-21 [08:48 AM]

هەولێر _ ZNA


 

تاعین یەکێکە لەو خواردنانەی کە چەوریی سودبەخش و ئۆمێگا سێ و شەشی تێدایە، جگەلەوەش بڕی پێویست پڕۆتین و پۆتاسیۆم و مەنگەنیز و کالسیۆم و ئاسن لەگەڵ ماددەی ڕیشاڵی تێدایە کە هەموویان بۆ جەستە گرنگن.

تاعین لەکونجی و نۆکی هاڕڕاو پێکدێت، دەکرێت کونجییەکەی هاڕابێت یان بەبێ لەتکردنی لە ئامادەکردنی تاعیندا بەکاربێت، ماڵپەڕی بۆڵد سکای لە بابەتێکی تەندروستیدا ئاماژە بە سوودە گرنگەکانی تاعین کردووە:

- فشاری خوێن دادەبەزێنێت

بەهۆی ئەو برە پۆتاسیۆمەی لە پێکهاتەیدا هەیە، رۆڵی سەرەکی دەبینێت لە کەمکردنەوەی فشاری خوێن، دژە ئۆکسانە و هەوکردن کەمدەکاتەوە.

- پاراستنی تەندروستیی دڵ

بەهۆی بوونی ماددەی "فیتۆستیرۆڵ" ڕێژەی کۆڵیسترۆڵی زیانبەخش لە خوێندا کەمدەکاتەوە، ئاستی کۆڵیسترۆڵ لەلەشدا رادەگرێت.

- هۆڕمۆنی جەستە هاوسەنگ دەکات

هاوسەنگی هۆڕمۆنەکانی لەش دەپارێزێت بەتایبەت لەو ئافرەتانەی تەمەنیان لەسەرو ٤٠ ساڵییەوەیە.

- هەوکردنی جومگەکان کەمدەکاتەوە

تاعین بە سەرچاوەی سەرەکی دادەنرێت بۆ کەمکردنەوەی هەوکردنی جومگەکان چونکە دەوڵەمەندە بە ئۆمێگا سێ و چەوری سودبەخش.

- پارێزگاری لە تەندروستیی ئێسکی لەش دەکات

بەهۆی دەوڵەمەندی بە ئاسن و ماددەی کانزایی وەکو مس و فۆسفۆڕ و کالسیۆم ئێسکی لەش بەهێز دەکات، ڕێگری دەکات لە فشەڵبوون و لاوازی ئێسک.

- کەمکردنەوەی کێشی لەش

بەهۆی دەوڵەمەندی بەپرۆتین یارمەتیدەرە لە کەمکردنەوەی کێشی لەش و هەستی تێری بە جەستە دەبەخشێت، بەمەش خۆراک لە ژەمەکاندا کەمتر دەخۆیت.

- سیستمی بەرگری لەش بەهێز دەکات

بەهۆی دەوڵەمەندی بەماددە کانزاییەکان جەستە لە هەوکردن و ڤایرۆس دەپارێزێت و بەرهەمهێنانی خرۆکە سورەکانی خوێن زیاتر دەکات، بەمەش بەرگریی لەش بەهێز دەبێت.

- تەندروستیی مێشک دەپارێزێت

بەهۆی بوونی ترشی ئۆمێگا سێ و شەش، رۆڵی سەرەکی دەبینێت لە پاراستنی دەمارە خانەکانی مێشک، لە توشبوون بە زەهایمەر پارێزراو دەکات.

- دژی خانە شێرپەنجەییەکان دەوەستێتەوە

سەرچاوەیەکی سەرەکی دژە ئۆکسانە و ڕۆڵی سەرەکی دەبینێت لە گەشەنەکردنی خانە شێرپەنجەییەکان، لەوانەس شێرپەنجەی مەمک و منداڵدان و هێلکەدان لەگەڵ پڕۆستات.





ئەم هەواڵە 9463جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad