English | عربی | Kurdî دواهەواڵ
ڕاستەوخۆ  
 
تەمەنی یەكەم ڕۆژنامەی كوردی بووە ١٢١ ساڵ
2019-04-22 [07:38 AM]

​ZNA – هەولێر


رۆژی ٢٢ی نیسانى ١٨٩٨،  یەکەم ژمارەی روژنامەی کوردی بەناوی (كوردستان) لە قاهیرە دەرچوو، ئەمرۆش ١٢١  ساڵ بەسەر ئەوڕۆژە تێپەردەبێت  و بەو بۆنەوە لە چەند شارێکى هەرێم چەند چالاکییەک بەڕێوەدەچێت.

 ٢٢ ی نیسانی ساڵی ١٨٩٨، ئەو ڕۆژەی کە بووە دەستپێکی تۆمارکردنی مێژوویەک لە ڕۆژنامەگەریی کوردی و تیایدا یەکەم ڕۆژنامەی کوردی بە زاراوەی کرمانجی ژووروو بەناوی (کوردستان)،لە شاری قاهیرەی پایتەختی میسر دەرکرا.

 ڕۆژنامەی کوردستان لەلایەن (میقداد میدحەت بەدرخان) شازادەی جەزیرەی بۆتان کە خاوەنی ئیمتیازی ڕۆژنامەکە بوو، هەر ١٥ ڕۆژ جارێک دەردەکرا و ژمارەی لاپەڕەکانیشی ٤ لاپەڕە بوو.

لە ژمارە ٤ ی ڕۆژنامەی کوردستان بە دواوە، وتار بە زمانی تورکی عوسمانی بڵاودەکرانەوە، هەروەها نامەی خوێنەران وهاوڵاتیان بڵاودەکرانەوە کە لە کوردستانی گەورە بەدەستی دەگەیشت.

هەروەها ڕۆژنامەکە چەند پەیامێکی ئاراستەی سوڵتان عەبدولحەمیدی دووەم کردبوو کە تیایدا داوای لێکردبوو چیتر گێچەڵ بە خانەوادەی بەدرخانییەکان نەكرێت، بەڵام سوڵتان عەبدولحەمیدی دووەم ئەو داوایانەی پشتگوێ خست و هیچ ڕێوشوێنێکیشی لەو بارەیەوە نەگرتبووە بەر.

 





ئەم هەواڵە 2419جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad