English | عربی | Kurdî دواهەواڵ
ڕاستەوخۆ  
 
زیاتر لە 150 پڕۆژە دەست بەكارەكانیان دەكرێتەوە
2019-04-23 [09:33 AM]

ZNA – هەولێر


بەرپرسێکی وەزارەتی ئاوەدانکردنەوە ئاشکرای دەکات بەهۆی دابینکردنی بودجە 154 پڕۆژەی جۆراوجۆری ئاوەدانکردنەوە دەست بەكارەكانیان دەكرێتەوە.

زانا عوزێری، بەڕێوەبەری گشتیی پلاندانان لە وەزارەتی ئاوەدانکردنەوە و نیشتەجێکردنی حکوومەتی هەرێمی کوردستان بە باسی راگەیاند: لیستێکی پڕۆژەکان لە بواری ئاوەدانکردنەوە و نیشتەجێکردن لە وەزارەتی پلاندانانەوە  رەزامەندیان لەسەر دراوە و وەزارەتی ئاوەدانکردنەوە دەیانخاتە بواری جێبەجێکردنەوە.

ئەو گوتیشی:"ژمارەی ئەو پڕۆژانە 154 پڕۆژە دەبێت و ھەموو ناوچەکانی ھەرێمی کوردستان دەگرێتەوە، پێشتریش پلان بۆ جێبەجێکردنی پڕۆژەکان دانراوە و لە لایەن وەزارەتی پلاندانانیشەوە پەسەند کراوە."

عوزێری روونیشی کردەوە: پارەی پێویست بۆ ئەو پڕۆژانە تەرخان کراوە و ھیچ کێشەیەک لە دابینکردنی پارەدا نابێت، چونکە ئێمە پێشبینی دەکەین ئەمساڵ ڕەوشی داراییی حکوومەتی ھەرێمی کوردستان زۆر باشتر بێت و ساڵی ڕابردووش ھەندێ پڕۆژەمان دەست پێ کردەوە".

لەبارەی پڕۆژەی ستراتیژییەوە، عوزێری ئاشکرای کرد، لەو 100 پڕۆژەیە پڕۆژەی رێگاوبان و تونێل و پرد و نۆژەنکردنەوەی رێگاوبان و شوقە هەیە و سودی بۆ هەموو خەڵک دەبێت، گوتیشی:"پڕۆژەی ستراتیژییش لە پلانی وەزارەتدا ھەن، وەک ڕێگەی سەرەکیی ھەولێر_دھۆک، کە ئێستا لە ناحیەی ڕۆڤیا کاری تێدا دەکرێت بۆ پردی گۆپالە و لە ھەولێریش دەست پێ دەکات، کۆمپانیای ٧٧یش بڕیاری داوە ھەر ئەمساڵ پردی گۆپالە تەواو بکات".

بەرپرسەكەی ئاوەدانكردنەوە دووپاتی كردەوە: لەو پڕۆژانەی كاركردن دەەستی پێكردۆتەوە رێژەی تەواووكردنیان جیاوازە،  پڕۆژە هەیە10% تەواو كراوە پڕۆژەش هەیە 97%ی تەواو كراوە و لە گەڵ ئەو دەست پێكردنەوە بەشێكی باشی پڕۆژەكان تەواو دەكرێن، تونێلی پیرمام سەرووی 90% كارەكانی تەواو بووە ، ئێستا كارێكی وا دەكرێت زوو تەواو بێـت و بكرێتەوە".

به‌هۆی قه‌یرانی داراییه‌وه‌ زیاتر له‌ 3 هەزار پرۆژه لە هەرێمی کوردستان وەستا بوون، ئێستا بەشێک لەەو پڕۆژانە کاکردن تیایاندا دەستی پێکردۆتەوە.





ئەم هەواڵە 3790جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad