English | عربی | Kurdî دواهەواڵ
ڕاستەوخۆ  
 
مە پێتڤی ب جھگیریێ ھەیە ، نەک جێگریێ
2019-04-24 [01:50 AM]

نڤیسینا : غیاس خالد زێباری


زێدەتر ل شەش مەھان بسەر ھەلبژارتنێ، پەرلەمانێ کوردستانێ دەرباز بوویە ، ھێشتا ب فەرمی پەرلەمانێ کوردستانێ نەشیایە کاندیدێ پارتیا سەرکەفتی ب پێکئینانا کابینا نوو یا حکومەتا ھەرێما کوردستانێ راسپێریت . 
 ھەرچەندە پارتی دیموکراتی کوردستان وەکی سەرکەفتیا ئێکێ دەمەکە مەسرۆر بارزانی بۆ ڤی پۆستەی کاندید کریە ، لێ ھێشتا پەرلەمانێ کوردستانێ نەشیایە رێکارێن یاسایی بگریتە بەر ژبەر
رێکنەکەفتنێن لایەنێن سیاسی لسەر کاراکرنا سازیا سەرۆکاتیا ھەرێما کوردستانێ . 
پارتی دیموکراتی کوردستان خودانا نێزیکی زۆرینەیا کورسیێ، پەرلەمانێ کوردستانێ مافێ وێ یە کابینا نوو پێک بینیت ، لێ ژبەر لبەرچاڤگرتنا رەوشا ھەرێما کوردستانێ یا ھەرێمایەتی و نافخۆیی چەندین گەرێن دانۆستاندنا دگەل حزبێن دیتر ئەنجام داینە و قۆناغێن زۆریش بڕینە . 
 رەوشا ھەرێما کوردستانێ ژلایێ سیاسی و جڤاکی و ئابووری ئەڤرۆ پێتڤی ب جە گیریەکا گشتگیر ھەیە ژلایێ سیاسی و جڤاکی ، چونکی پشتی راپرسیا سەرخۆبوونا کوردستانێ و خیانەتا شازدێ ئکتۆبەرا سالا ٢٠١٧ نە جە گیری ژلایێ سیاسی و ئابووری و ئێمناھی ل ھەرێمێ درۆست بوو ، و پیلانەکا ھەرێمی دژی ھەرێما کوردستانێ و پشکەکا دەسھەلاتدارێن ئێکەتیا نشتیمانی کوردستانێ ئەگەرێن سەرەکیێن ڤێ نە جە گیریێ بوون . 
ھەرچەندە نێچیرڤان بارزانی سەرۆکێ حکومەتا ھەرێما کوردستانێ ، کۆ پشکەکا زۆرا دەسھەلاتێن سەرۆکێ ھەرێمێ ژی ھەنە  ب سیاسەتەکا دووربین و  خیبەتی شیا وێ نە جە گیریێ ڤەرەڤینیت و  وێ پیلانێ ژناڤ ببەت و پێگەھێ ھەرێما کوردستانێ ل مەزنترین پیلان پاراست و ئەو ھەمی گەماروویێ، سیاسی و ئابووری شکاندن,  لێ ھێشتا رەوشا کوردستانێ پێتڤی جە گیریەکا زێدەتر یا سیاسی و ئابووری و کارگێری ھەیە داکۆ بەرەڤ قۆناغێن باشتر و گەشتر بچیت. 
لێ مخابن ھێشتا ئێکەتیا نشتیمانی کوردستان وەک سەرکەفتیا دوویێ ل ھەلبژارتنێن پەرلەمانێ کوردستانێ ، د دانۆستاندێن دگەل پارتی دا ھەر جار ھندەک مەرج و داخازیان دئێخیتە پێش پارتی ، ژوان مەرجان داخاز کرنا جێگرێ سەرۆکێ ھەرێمێ ، د سیستەمێ ھەرێمێ و عیراقێ دا دەسھەلات دەسھەلاتا سەرۆک و کەسێن ئێکێ یە و جێگران چ دەسھەلاتێن بەرچاڤ و کاریگەر نینە . 
مخابن لجھێ حزبێن کوردستانێ کار بۆ جە گیریێ بکەن کۆ پێتڤیا ھەرێمێ و خەلکێ وێ یە ، پەنا بریە بەر جێگران کۆ زیانەکا ھەرە مەزنە ب ھەرێمێ و ئابووری وێ دکەڤیت . 
ئێکەتی ژی ڤێ چەندێ باش دزانیت لێ دیارە چەندین مەرەم پێ ھەنە ، وەک رازیکرنا باڵێن دناڤ ئێکەتیێ دا و خەلکەکێ خۆ بڤان جێگران دابمەزرینیت و دبیت مەرامێن دیتر ژی لپشت ھەبن بۆ گیرۆکرنا پێکئینانا حکومەتێ کۆ پارتی وەکی سەرکەفتیا ئێکێ پێ گۆنەھبار بکەت . 
ژلایێ کارگێری ژی زێدەکرنا پلە و پۆستا ژ پێخەمەت رازیکرنا لایەن یان کەسان گەندەلیەکا ھەرە مەزنا دارایی و کارگێری یە لدەمەکی دھێتە کرن کۆ  پارتی و سەرۆکێ حکومەتا ھەرێما کوردستانێ ھەولا بەرھنگاربوونا گەندەلیێ دکەن ب رەنگەکێ یاسایی . 
ئەو حزبێن داخازا ڤان پلە و پۆستێن زێدەر و زیان بەخش دکەن ، ئەگەر دخەما کوردستانێ و خەلکێ وێ دا ، پێتڤی یە داخازا جھگیریێ بکەن بۆ پێشڤەبرنا ھەرێما کوردستانێ ژلایێ سیاسی و ئابووری و کارگێری و زۆرترین دەم سازیا سەرۆکاتیا ھەرێما کوردستانێ کاربکەن داکۆ بشێن جھگیریەکا تەمام و ھەمە لایەن بەرجەستە بکەت . چونکی نێچیرڤان بارزانی کاندیدێ پارتی دیموکراتی کوردستانێ بۆ پۆستێ سەرۆکێ ھەرێما کوردستانێ ،  بۆ کوردستانێ و جیھانێ خۆیا کریە کۆ فاکتەرێ جھگیریا کوردستانێ یە و بسەرۆکاتیا جەنابێ وی ھەرێما کوردستانێ دێ بەرەڤ قۆناغ و ئاسۆیێن گەش چیت ، نێچیرڤان بارزانی ئەو کەسە یێ شیای ب دبلۆماسی و سیاسەتەکا کاریزمایی پەیوەندیێن ھەرێما کوردستانێ دگەل جیھانێ ب پارێزیت و بگەھینتە ئاستەکێ ھەرە باش و ھەلویستێن عیراقێ ژی ل ھەلویستەکێ دوژمنکارنە و دەرچوون ل بنەمایێن یاسایی و دەستووری بەرامبەر ھەرێمێ بگۆریت بۆ ھەلویستەکێ نەرم و ڤەگەریان بۆ یاسایێ و دەستووری و زڤراندنەڤا  پشکەکا مافێ خەلکێ کوردستانێ ل عیراقێ ، ژوانا پاراستنا کوردستانێ و چارەسەرکرنا قەیرانا ئابووری کۆ دەسکەفتێ، ھەرە مەزنن .
ئەڤە ھەمی فاکتەرن کۆ نێچیرڤان بارزانی ب سەرۆکایەتیکرنا ھەرێما کوردستانێ دێ موعجیزێن مەزنتر ئافرینیت بۆ جھگیریا کوردستانێ ژ ھەمی لایان ڤە . لەوما پێتڤی یە ھەمی حزبێن کوردستانی کار بۆ جھگیریا کوردستانێ بکەن  و بۆ ڤێ چەندێ د ھەڤرکیێ دا بن ، نەک داخازا جێگران بکەن بۆ مەرامێن دارایی و رازیکرنا خەلکەکی ب چەند پلە و پۆستێن زیانێ دگەھینە کوردستانێ .





ئەم هەواڵە 3079جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad