English | عربی | Kurdî دواهەواڵ
ڕاستەوخۆ  
 
رێزگرتن ل رۆژهه‌لات و خوراسانێ
2019-04-26 [01:06 AM]

نڤیسینا : كارزان فه‌قى


هێشتا گه‌له‌ك ب سه‌ر وێ رێزگرتن و خه‌لاتكرنا كۆچه‌ر بیركار مه‌زنه‌ زانایێ كورد یێ بیاڤێ ماتماتیكێ ده‌رباز نه‌بوویه‌، نێچیرڤان برازانى سه‌رۆكێ حكومه‌تا هه‌رێما كوردستانێ د رێوره‌سمه‌كا دى دا ده‌ركه‌فته‌ڤه‌ و رێز ل خه‌بات و كه‌دا دیرۆكنڤێسه‌كێ دیێ كورد گرت، كو ئه‌و ژى كه‌لیموللا ته‌وه‌حودى نڤێسه‌رێ كورد یێ خوراسانێ بوو، پێشتر كوچه‌ر بیركارێ خه‌لكێ رۆژهه‌لاتێ كوردستانێ خوه‌ د هه‌بێزا هه‌ولێرێ و رێزگرتنا حكومه‌تا وێ دیت، ڤێ جارێ كه‌لیمولایێ ته‌وه‌حودى یێ خوراسانێ ل ژێر سیبه‌را تاكه‌ قه‌واره‌یێ كورد كو هه‌رێما كوردستانێ یه‌، گرنگیا نڤێسین و ماندیبوونا خوه‌ زانى، كه‌واته‌ د ڤێ داویێ دا نێچیرڤان بارزانى سه‌رۆكێ حكومه‌تا هه‌رێما كوردستانێ خوه‌ د دوو مه‌راسیمانێ خه‌لاتكرنا نڤێسه‌ر و زانایان دا دیت، كو هه‌ردوو نه‌ خه‌لكێ هه‌رێما كوردستانێ بوو، ئه‌ڤه‌ بخوه‌ رامانا هندێ دده‌ت، سه‌رۆكێ حكومه‌تێ ژ قالبێ هه‌رێماتیێ ده‌ركه‌فتیه‌ ئه‌و خوه‌ ب نوونه‌رێ هه‌موو كوردان ل سه‌رانسه‌رى جیهانێ ددانن، چونكى ته‌وه‌حودى ئێك ژ وان نڤێسه‌رێن دیار یێن خوراسانا ئیرانێ یه‌، ل وى ده‌ڤه‌رێ رۆله‌كێ به‌رچاڤ هه‌بوویه‌ د زیندیكرنا زمانێ كوردى، هه‌روه‌سا بوویه‌ تۆماره‌ك ژ بۆ دیكیۆمێنتكرنا هه‌موو وان نه‌هامه‌تى و كۆچبه‌ریا كوردان بۆ خوراسانێ، گۆتارا نێچیرڤان بارزانى ل ده‌مێ خه‌لاتكرنا كۆچه‌ر بیركار و هه‌روه‌سا ل ده‌مێ خه‌لاتكرنا كه‌لیموللا ته‌وه‌حودى دا، باش دیار دبیت كو حكومه‌تا هه‌رێما ب ته‌نێ كار ل سه‌ره‌ پرۆژه‌یێنه ماتریالى ناكه‌ت، به‌لكو زمان و كه‌لتور و بابه‌تیێن مه‌عنه‌وى گرنگیا وان پترن، چونكى هه‌ر نڤێسه‌ر و زانانه‌ دبنه‌ رێگر ل هه‌مبه‌ر وان داگیركاریێن هزرى و زمانى بۆ سه‌ر زارۆكێ كورد و ئه‌ون دبینه‌ رێگر كو كورد ب زمان و كه‌لتورێ خوه‌ دناڤا هه‌موو ملله‌تان زندى بمینن و به‌رزه‌ نه‌بن، بۆ ڤێ یه‌كێ حكومه‌تا هه‌رێما كوردستانێ هیچ ده‌مه‌كى ئه‌ڤ نڤێسه‌ر و زانا پشت گوهـ نه‌خستینه‌ و رێزگرتن ل هه‌ردوو زانا و نڤێسه‌ران یێن رۆژھەلاتێ كوردستانێ خواراسانێ ژى به‌لگه‌یێ ڤێ گۆتنێ یه‌. ل ڤێرێ گرنگه‌ ل سه‌ر وێ په‌سنا دیرۆكنڤێس كه‌لیموللا ته‌وه‌حودى راوه‌ستین كو د گۆتارا خوه‌ په‌سنا پێشكه‌فتنا هه‌رێما كوردستانێ كرى، ئه‌وی د رێوره‌سمێ دا باس ل رۆژێن خوه‌یێن هه‌رێما كوردستانێ كر، كو ئه‌و د وان رۆژان دا پتریا ده‌ڤه‌رێن هه‌رێما كوردستانێ گه‌رهایه‌ و هه‌موو ئه‌و جوانی و سروشت و پێشكه‌فتنا باژارێن هه‌رێمێ دیتیه‌، بۆ ڤێ یه‌كێ ژى سه‌رۆكێ حكومه‌تێ ب ئه‌ندازیارێ وێ ئاڤه‌دانى و پێشكه‌فتنێ دانا، چونكى پتریا ئه‌و گهۆرین و گه‌شه‌كرن و پێشكه‌فتنا باژاران چێبووین؛ ل سه‌رده‌مێ ده‌سته‌لاتداریا نێچیرڤان بارزانى بووینه‌.





ئەم هەواڵە 4489جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad