English | عربی | Kurdî دواهەواڵ
ڕاستەوخۆ  
 
سەفین دزەیی ڕوون كردنەوە لەسەر سێ مووچە و شایستە داراییەكانی جووتیاران دەدات
2019-04-28 [07:23 AM]

​ZNA – هەولێر


گوتەبێژی فەرمی حکوومەتی هەرێمی کوردستان لەبارەی دابەشکردنی سێ مووچەی فەرمانبەرانی هەرێمی کوردستان و شایستە داراییەكانی جووتیاران ڕووندەكرێتەوە

سەفین دزەیی، گوتەبێژی فەرمی حکوومەتی هەرێمی کوردستان بە ماڵپەڕی فەرمی پارتی ڕاگەیاند، جووتیارانی هەرێمی کوردستان مافی خۆیانە شایستە داراییەکانیان لە بەغدا وەربگرن، چونکە چوار ساڵ دەبێت بەشە گەنمیان ڕادەستی بەغدا کردووە، کەچی تائێستا شایستە داراییەکانیان نەنێردراوە.

ئەو گوتیشی : حکوومەتی هەرێمی کوردستان لەهەوڵەكانی بەردەوامە بۆ ئەوەی بەغدا شایستە داراییەکانی جووتیارانی كوردستان بنێرێت.

سەفین دزەیی باسی لە دابەشکردنی سێ مووچەی فەرمانبەرانیش كردوو گوتیشی: ”حكوومەتی هەرێم بەردەوام دەبێـت لە پێدانی مووچەی فەرمانبەران لە كاتی خۆیدا بە گوێرەی داهاتی حكوومەت و ئەو بەشەبودجەیەی لەلایەن بەغداوە بۆ پێدانی مووچەی فەرمانبەران دێـت“.

دزەیی دەشڵێت:  بەغدا 60%ی بەشەبودجەی مووچەی فەرمانبەران دەنێرێت كە 460 ملیار دینارە، بەشێكیشی نەناردووە لەناویاندا مووچە و خەرجیی سیادیی پێشمەرگە كە حكوومەتی هەرێم خۆی 40%ـەكەی تر دابین دەكات و 400ملیار دینارە.

گوتەبێژی فەرمیی حکوومەت جەختی کردووەتەوە: ”هەر كاتێكیش پارەی دیاریكراوی سێ مووچەی فەرمانبەران لەلایەن بەغداوە بنێردرێت، دەست بە دابەشكردنی دەكرێت".

 





ئەم هەواڵە 5608جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad