English | عربی | Kurdî دواهەواڵ
ڕاستەوخۆ  
 
چەند زانیاریەكی گرنگ لەسەر گەڕاندنەوەی قەرزی سندوقی نیشتەجێبوون ئاشكرا دەكرێت
2019-04-30 [06:53 AM]

​ZNA – هەولێر


 بەرپرسێكی وەزارەتی دارایی دەڵێت ، ئەو كەسانەی قەرزی نیشتەجێبوونیان وەرگرتووە ئێمە ئاسانكارییان بۆ دەكەین و بۆ ئەو مەبەستەش نوسراوێك دراوەتە ئەنجومەنی وەزیران بۆ دەركردنی رێنمایی تازە.

عەبدولقادر عوسمان، بەرێوەبەری گشتی بانكە پسپۆڕیەكانی هەولێر كە سەر بە وەزارەتی داراییە بە باسی راگەیاند: بۆ چارەسەركردنی كێشەی ئەو هاوڵاتیانەی كەوا قەرزی سندوقی نیشتەجێبوونیان وەرگرتووە،  "نوسراوێك بەرزكرایەوە بۆ وەزارەتی دارایی ئەوانیش بەرزیان كردۆتەوە بۆ ئەنجومەنی وەزیران، داوامان كردووە چاوخشاندنەوە بە قیستەكان و ماوەی گەڕاندنەوەیان بكرێت و درێژ بكرێنەوە ".

كاتی خۆی بۆ كڕینی یەكەكانی نیشتەجێبوون حكوومەت نیوەی پارەی یەكەكانی داوە بۆ نمونە كەسێك خانوویەكی بە 5 هەزار دۆلار كڕی بێت 2 هەزارو 500 دۆلاری لە لایەن حكوومەت بە قەرزپێدراوە.

ئەو دەشڵێت:  ئەو هاوڵاتیانەی قەرزی زۆریان لەسەر كەڵەكە بووە هەڵە لای خۆیانە، گوتیشی: "رێنماییەكە روونە ئەویش ئەوەیە پێشینەكان تەنها لە فەرمانبەران وەرناگیرێنەوە، لە هاوڵاتیان وەردەگرێنەوە،خانووبەرە بێت یان قیستی نیشتەجێبوون بێت".

ساڵانە قیستی پارەكە زیاتر لە ملیۆنێك دینارە، ئەو کەسەی نەتوانێت مانگانە قیستەکەی بداتەوە و ساڵێکی بەسەردا تێپەڕێت، رۆژانە هەزار دیناری بۆ دەخرێتە سەر كە ئەوەش ساڵانە دەكاتە زیاتر لە 350 هەزار دینار.

عوسمان، جەختی كردەوە، ئاسانكاری زۆر بۆ ئەو كەسانە دەكەن قەرزی زۆریان لەسەر كەڵەكە بووە، گوتیشی: "ئاسانكاری زۆر بۆ هاوڵاتیان دەكەین بۆ ئەوەی قیستی خانووبەرە و سندوقی نیشتەجێ بوون بدەنەوە، هەندێك قیستیان لێوەردەگرین و ئەوانی تریش كارئاسانیان بۆ دەكەین".

بەرپرسەكە روونی كردەوە: بەپێی رێنمایی نابێـت هاوڵاتی یەكەی نیشتەجێبوونەكەی بفرۆشێت تاوەكو قیستەكانی نەداوەتەوە، بەڵام خەڵكێكی زۆر فرۆشتویانە و هەر لەسەر ناویان ماوە ، بەڵام رەهن لەسەر خانووەكان لانابرێت.

سەبارەت بەو كەسانەی كە دەیانەوێت قەرزەكانیان بخەنە سەر مووچەكەیان ئەو گوتی: "ئەو كەسانە دەبێت چاوەڕوان بكەن تاوەكو رێنمایی لە ئەنجومەنی وەزیران دەردەچێت، لە بانكی خانووبەرە دەكرێت، بەڵام چاوەڕوانی رێنمایی دەكەین".

لەماوەی ساڵانی ڕابردوودا زیاتر لە 10 هەزار یەكەی نیشتەجێبوون لەلایەن كۆمپانیاكانی كەرتی تایبەتەوە دروستكراون‌.

 





ئەم هەواڵە 5668جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad