English | عربی | Kurdî دواهەواڵ
ڕاستەوخۆ  
 
كارەبای عێراق لەلایەن كۆمپانیایەكی ئەڵمانی رێك دەخرێتەوە
2019-05-01 [06:54 AM]

ZNA – هەولێر


عادل عه‌بدولمه‌هدی، سه‌رۆك وه‌زیرانی عێراق له‌ به‌رلینی پایته‌ختی ئه‌ڵمانیاوه‌ رایگه‌یاند: "كۆمپانیای سیمینس" شایسته‌یی ئه‌وه‌ی تێدایه‌ زۆربه‌ی داواكارییه‌كان جێبه‌جێ بكات و زۆربه‌ی به‌شه‌كانی گرێبه‌ستی پرۆژه‌یه‌ك به‌ بڕی 14 ملیار دۆلار، بباته‌وه‌ و سه‌رله‌نوێ ژێرخانی كاره‌بای عێراق رێك و تۆكمه‌ بكاته‌وه‌".

سه‌رۆك وه‌زیرانی عێراق له‌ میانی كۆنگره‌ رۆژنامه‌وانییه‌كه‌یدا له‌گه‌ڵ ئه‌نگێلا مێركڵ، راوێژكاری ئه‌ڵمانیا گووتی: "گرووپی ئه‌ندازه‌یی ئه‌ڵمانی" ده‌رفه‌تێكی نوێیان له‌ به‌رده‌مدایه‌ زۆربه‌ی گرێبه‌سته‌كانی پرۆژه‌كه‌ ببه‌نه‌وه‌و كاری تێدا بكه‌ن".

كۆمپانیای "سیمینس"ـی ئه‌ڵمانی لای خۆیه‌وه‌ رایگه‌یاند: "به‌كرده‌یی سێ گرێبه‌ستیان به‌ به‌های 700 ملیۆن دۆلار واژۆ كردووه‌، یه‌كێكیان بۆ بونیادنانه‌وه‌ی وێستگه‌ی به‌رهه‌مهێنانی كاره‌بایه‌ كه‌ به‌ غاز و به‌ توانی 500 مێگاوات كار ده‌كات. یه‌كێكی دیكه‌شیان پێشخستنی 40 تۆڕباینی غازه‌. سێیه‌میش چاككردنه‌وه‌ و پێكه‌وه‌ به‌ستنه‌وه‌ی ده‌یان وێستگه‌ی به‌هێزكردن و محاویلاتی سه‌رانسه‌ری عێراقه‌".

له‌ چوارچێوه‌ی رێككه‌وتنه‌كه‌شدا، كۆمپانیا ئه‌ڵمانییه‌كه‌ به‌ڵێنیداوه‌، نۆڕینگه‌یه‌كی پزیشكی و پرۆگرامی تایبه‌ت به‌ بڕی 60 ملیۆن دۆلار ببه‌خشێته‌ زانكۆكانی عێراق و مه‌شق و راهێنان به‌ 1000 عێراقی بكه‌ن.

هه‌روه‌ها نه‌خشه‌ رێگایه‌ك واژۆ كراوه‌ له‌ نێوان جۆ كایسر، سه‌رۆكی كۆمپانیای سیمینس و لوئه‌ی خه‌تیب، وه‌زیری كاره‌بای عێراق بۆ بونیادنانی سه‌رچاوه‌ی به‌رهه‌مهێنانی نوێ و پێشخستنی وێستگه‌كانی كاره‌با و فراوانكردنی تۆڕه‌كانی دابه‌شكردنی كاره‌با.

 





ئەم هەواڵە 10561جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad