English | عربی | Kurdî دواهەواڵ
ڕاستەوخۆ  
 
عێراق ... بەفڕۆكەی تارمایی هێرش دەكرێتە سەر داعش
2019-05-01 [07:06 AM]

ZNA – هەولێر


فه‌رمانده‌یی ناوه‌ندیی هێزی ئاسمانی ئه‌مه‌ریكا رایگه‌یاند: "یه‌كه‌م ئۆپەراسیۆنی سه‌ربازی له‌لایه‌ن فڕۆكه‌ی شه‌ڕكه‌ری جۆری (F-35 AJ لایتینگ2) كه‌ به‌ "تارمایی" ناسراوه‌ دژی چەكدارانی داعش لەعێراق ئه‌نجامدراوه‌".

هێزی ئاسمانی ئه‌مه‌ریكا له‌ به‌یاننامه‌یه‌كدا رایگه‌یاند‌: "دوو فڕۆكه‌ی شه‌ڕكه‌ری جۆری (F-35 AJ لایتتینگ2) دوو جار هێرشیان كردووه‌ته‌ سه‌ر مۆڵگه‌كانی رێكخراوی داعش له‌ عێراق و تونێل و كۆگای چه‌ك و كه‌لوپه‌له‌كانی رێكخراوه‌ توندڕه‌وه‌كه‌یان كردووه‌ته‌ ئامانج".

هه‌روه‌ها ناوچه‌یه‌كی باشووری كه‌ركووك و چیای حه‌مرین له‌لایه‌ن ئه‌و دوو فڕۆكه‌یه‌وه‌ بۆردومان كراون و ئه‌و ئه‌ركه‌شیان له‌ چوارچێوه‌ی ئۆپەراسیۆنه‌كانی هاوپه‌یمانی نێوده‌وڵه‌تی دژی داعش ئه‌نجامداوه‌.

هێزی ئاسمانی ئه‌مه‌ریكی له‌ هه‌ژماری تایبه‌تی خۆیه‌وه‌ له‌ تۆڕی كۆمه‌ڵایه‌تی تویته‌ر، وێنه‌ی فڕۆكه‌كانیان له‌ ئاسمان و له‌ كاتی هێرشكردنه‌ سه‌ر مۆڵه‌گانی داعش له‌ باشووری كه‌ركووك بڵاوكردووه‌ته‌وه‌.

ئه‌و دوو فڕۆكه‌ شه‌ڕكه‌ره‌ كاریگه‌ره‌ی ھێرشه‌كانیان ئه‌نجامداوه‌، رۆژی 15/نیسانی/2019 خراونه‌ته‌ خزمه‌تی سه‌ربازییه‌وه‌ و گه‌یشتوونه‌ته‌ ده‌ست فه‌رمانده‌یی ناوه‌ندیی هێزه‌كانی ئه‌مه‌ریكا و له‌ بنكه‌ی ئاسمانی "هێل ئێر فۆرس" له‌ ویلایه‌تی یوتاوه‌ نێردراون.

 





ئەم هەواڵە 10969جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad