English | عربی | Kurdî دواهەواڵ
ڕاستەوخۆ  
 
پێتڤی یە بێ رێزیا بەرامبەر ماڵباتێن شەھیدان ، نەھێـە قەبۆلکرن ...!
2019-05-02 [10:36 AM]

نڤیسینا : غیاس خالد زێباری


ھەمی حزبێن کوردستانێ بەری دەست ب ھەر کۆر و کۆمبوونەکێ بکەن ، وەک رێزگرتن بەرامبەر خوینا شەھیدێن کورد و کوردستانێ ئێک خۆلەک رادوەستن ، بەرپرسێن ڤان ھەمی حزبان ژی لسەر کەناڵێن راگەھاندنێ و تۆرێن جڤاکی خۆ ب خزمەتکارێن ماڵباتێن شەھیدان ھژمار دکەن . 
ئەڤێ چەندێ چ مننەت تێدا نیە و ئەرکێ وانە رێزێ ل ماڵَباتێن شەھیدێن سەربلندێن بزاڤا رزگاریخوازیا کوردستانی بگرن ، چونکە ئازادیا ئەڤرۆ و دەسکەفتێن مە یێن نەتەوی و نشتیمانی بەرھەمێ خوینا وان شەھیدا یە . 
مافێ ماڵباتێن شەھیدایە رێزەکا تایبەت ھەبیت و پێتڤیێن ژیانێ بۆ بێنە دابینکرن ، وەک خاندن و ئاکنجیبوون و ....ھتد . 
ژبلی ڤێ چەندێ پێتڤی یە شەھید شەھیدێ گەل و وەڵاتی بھێتە ھژمارکرن ، نەک شەھیدێ حزبەکێ ، برەنگەکێ بێ جوداھی سەرەدەری دگەل بھێتە کرن ، دوور پابەندیا بەرتەسکا پارتایەتی و سیاسی . 
لدەمێ شەرێ داعش ، لسنوورێ لقا ٩ یا پارتی دیموکراتی کوردستان ،  من دیاردەکا زۆرا جوان من ب چاڤێن خۆ دیت و ئەز زۆر پێ گەشبین بوون ، من ھیڤی دخواست ئەڤ دیاردە و سەرەدەریە لسەرانسەرێ ھەرێما کوردستانێ بھێتە بژاندن و ببیتە کلتۆرەک ، بەلکێ توند ڕەویا ھزریا حزبایەتی بن بڕ ببیت . ئەوژی گەھاندنا ھاریکاریان بۆ ماڵباتێن شەھیدان بێ جوداھی ، ئەو پێشمەرگەھێن سەر ب ئێکەتیا نشتیمانی و یێن سەر ب پارتی وەک ئێک دھاتنە سەرەدانکرن و ھاریکاریکرن ، چ ھاریکاریکاریێن ماددی بن یان پێتڤیێن دیکە یێن ژیانێ . 
ئەگەر مە رێز بۆ خوینا شەھیدا و ماڵباتێن وان ھەبیت پێتڤی یە بڤی رەنگی بیت . ئەز باوەرم ل ھەمی دەڤەرێن بن دەسھەلاتا پارتی دا بڤی ڕەنگی بوویە . ئەڤەژی جھێ شانازیێ یە .
مخابن بەری چەند رۆژەکا ل پارێزگەھا سلێمانیێ ، چەنابێ پارێزگارێ سلێمانیێ بناڤێ حکومەتا ھەرێما کوردستانێ پارچە عەردێن ئاکنجیبوونێ بسەر ھژمارەکا ماڵباتێن شەھیدێن سەربلند دابەش کرینە ، ئەڤە ژی جھێ دلخۆشیێ و دەست خۆشیێ نە . لێ مخابن دیاردەکا نەشرین و دوور ل رەوشتێ کوردایەتیێ و حوکمداریێ تێدا دیار بوو . بۆ ڤێ بریارێ پارێزگار نەڤەگەریایە بۆ جڤاتا وەزیران و وەزارەتا باژێرڤانی ، ھەرچەندە سەرپێچیەکا یاسایی یە و دەرڤەی رێنمایی یا یە ، لێ ئەگەر بۆ خزمەتا ماڵباتێن شەھیدان بیت . ئەز وەک کوردەک دەست خۆشیێ لێ دکەم . لێ پارتیا دەسھەلاتدا کە ئێکەتی نشتیمانی یە ، ئەڤ چالاکیە ب دەسکەفتەکێ حزبی ھژمار کریە و جەنابێ پارێزگاری بن سیبەرا ئارم و ئاڵایێ ئێکەتیێ ، پەیڤا خۆ ئاراستە کریە و رێ و رەسم رێڤە برنە ..! . 
یا لڤێ ھەمیێ حیبەتی تر ، مەزنترین بێ رێزی بەرامبەر ماڵباتێن شەھیدان کریە و رەفتارەکا بەرۆڤاژی وێ رەفتارا کوردایەتیا پارتی دیموکراتی کوردستان کریە ، ئەوژی دەرکرنا ناڤێن ماڵباتێن وان شەھیدان ئەوێن سەر ب پارتی ڤە ل وێ لیستا پارچێن عەردی وەردگرن ..! .
ئەڤەژی بێ رێزی و رەفتار و سەرەدەریەکا ھەرە مەزنە ئیدارا سلێمانیێ بەرامبەر ماڵباتێن شەھیدان کری ، رەفتارەکا دوورە ل رەوشتێ کوردایەتیێ ، پێتڤی یە چ لسەر ئاستێ حکومی یان راگەھاندنێ ھەڵویست بەرامبەر بھێنە وەرگرتن . چونکی ئەڤە نیشانێ پراکتیزەکرنا دوو ئیدارەیی یە . 
پێتڤی یە پارتی ژی لدەمێ ھەرە زوو خۆ  لمافێ وان ماڵێن شەھیدێن سەر ب وێڤە بکەتە خودان و لجھێ پارچە عەردی ،  خانیێن ئاکنجیبوونێ ل باژارێ سلێمانیێ بۆ دابین بکەت .





ئەم هەواڵە 4261جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad