English | عربی | Kurdî دواهەواڵ
ڕاستەوخۆ  
 
قائیمقامیەتی سلێمانی: پشکنین بۆهەموو ئەو خواردن و خواردنەوانە دەکەین کە بە هاوڵاتیان دەفرۆشرێت
2019-05-05 [06:37 AM]

​ZNA- هەولێر


لیژنە هاوبەشەکانی قائیمقامیه‌ت‌ ڕایانگەیاندووە، لە مانگی رەمەزانی پیرۆزدا پشکنین بۆهەموو ئەو خواردن و خواردنەوانە دەکەن کە بە رۆژوەوان و هاوڵاتیان دەفرۆشرێت و هه‌رشوێنێكیش سه‌رپێچی بكات شوێنه‌كه‌ی داده‌خرێت.

ئازاد نەبی، نوێنەری بەڕێوەبەرایەتی خۆپاراستنی تەندروستی سلێمانی له‌ لیژنه‌ هاوبه‌شه‌كان رایگەیاند، بەمەبەستی دڵنیابوونەوە لە سەلامەتی تەندروستی ئەو خواردن و خواردنەوانەی لە مانگی رەمەزانی پیرۆزدا بە رۆژوەوانان و هاوڵاتیان دەفرۆشرێن، لیژنەكانیان سەردانی هەموو ئەو شوێنانە ده‌كات کە خواردنه‌كانی لێ دروست ده‌كرێت.

ئاماژەى بەوەشکرد، له‌م مانگه‌دا سه‌ردانەکانیان زیاتر ده‌بێت بۆیه‌ پێویسته‌ هه‌موو ئه‌و شوێنانه‌ی خواردن و خواردنه‌وه‌ دروستده‌كه‌ن له‌ به‌ڕێوه‌به‌رایه‌تی چاودێری ته‌ندروستی سلێمانی مۆڵه‌تی كاركردنیان وه‌رگرتبێت و پابه‌ندی مه‌رجه‌ ته‌ندروستیه‌كان بن و به‌پێچه‌وانه‌وه‌ هه‌رشونێك مۆڵه‌تی نه‌بێت یاخود سه‌رپێچی بكات شوێنه‌كه‌ی داده‌خرێت و خاوه‌نه‌كه‌شی روبه‌روی رێكاری یاسایی ده‌كرێته‌وه‌.

ئازاد نەبی ئەوەشی خستەڕوو، ئەو شوێنانەی کاری هەویر و ناوساجی دروست دەکەن نابێت (سۆده‌) بەکاربهێنن، لەبەرئەوەی پشکنینەکان دەریخستووە زیان بەتەندروستی مرۆڤ دەگەیەنێت، لەکاتی پابەند نەبوون لەلایەن لیژنە هاوبەشەکانەوە سزای شووێنەکە و خاوەنەکەی دەدرێت.

گوتیشى، پێشتر لەڕێی دەزگاکانی ڕاگەیاندنەوە ئاگاداری دوکان و مارکێت و کارگەکانی بەرهەمهێنانی ئاوی لە دەبە نراو کراونەتەوە رێگە بە عەمبارکردن و گواستنەوەی ئاوی خواردنەوە نادرێت لەبەر تیشکی خۆر یاخود شوێنێک پلەی گەرمیەکەی گونجاو نه‌بێت.

داواشی له‌ هاوڵاتیان كرد، له‌كاتی هه‌بوونی سه‌رپێچی و پابه‌ند نه‌بوون به‌مه‌رجه‌كانی كاركردن به‌ گشتی و به‌تایبه‌ت ته‌ندروستی ئەوا پەیوەندی بكەن، له‌رێگای ئەو ژمارەەوە (07708677777) یان لاپه‌ڕه‌ی تایبه‌تی (قائیمقامیه‌تی سلێمانی) له‌ تۆڕی كۆمه‌ڵایه‌تی فه‌یسبووك.

 





ئەم هەواڵە 1693جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad