English | عربی | Kurdî دواهەواڵ
ڕاستەوخۆ  
 
ئەو خۆراکانەی تەندروستی دڵ دەپارێزن
2019-05-06 [01:30 AM]

هەولێر _ ZNA


 

زۆر سەوزە و میوە هەن كە دەوڵەمەندن بە پێكهاتەی دروست و دژەئۆكسیدی بەهێز وەك ئانتهۆسانینس و لیكۆپەین، ئەم پێكهاتانە یارمەتی باشتركردنی تەندروستی دڵَ  دەدەن. مەترسییەكانی جەڵتە و نەخۆشییەكانی چاو كەم دەكەنەوە. گرنگترین شت ئەوەیە كە مەترسییەكانی نەخۆشیی دڵ كەم دەكاتەوە بە رێژەی %50 بەتایبەتی خۆراكە سوورەكان یارمەتی باشتركردنی دڵ دەدەن و بەهێزی دەكەن.

ئەمانەش كۆمەڵێكن لەو خۆراكانەی كە باشن بۆ تەندروستی دڵ:

یەكەم: هەنار، هەنار دەوڵەمەندە بە دژەئۆكسیدی زۆر بەتایبەتی ئانتهۆسانینس كە رێ لە پتەوبوونی خوێنبەرەكان دەگرێت و تەندروستی دڵ باشتر دەكات، بەپێی توێژینەوە پزیشكییەكان ئەگەر بۆ ماوەی سێ‌ مانگ شەربەتی سروشتی هەنار بخورێت، نەخۆشییەكانی دڵ كەم دەكاتەوە و یارمەتی باشتر رۆشتنی خوێن دەدات بۆ دڵ.

دووەم: تەماتە، تەماتە دەوڵەمەندە بە لیكۆپەین، چونكە رەنگی  سووری تێدایە كە تایبەتمەندی دژەئۆكسیدی تێدایە لەگەڵ دژە شێرپەنجە، سەرچاوەیەكی باشی خۆراك پێدانە بۆ چاوەكان و تەندروستی پرۆستات باشتر دەكات.

سێیەم: سێو، بڕێكی زۆر قوەرسینی تێدایە كە هەوكردن كەم دەكاتەوە. هەروەها رێ لە خوێن مەیین دەگرێت. باشتر وایە سێو لە بەیانیاندا بخورێت لەگەڵ دانەوێڵەكان و هەستی برسیەتی كەم دەكاتەوە و بڕێكی زۆر پێكهاتەی خۆراكی بەلەش دەدات.

چوارەم: فاسۆڵیای سوور، فاسۆڵیای سوور دەوڵەمەندە بە دژەئۆكسید كە یەكێكە لە باشترین خۆراكەكان بۆ دڵ. تەنیا لە نیو كووپ فاسۆڵیای سووردا بڕێكی زۆر ریشاڵ و حەوت گرام پرۆتین هەیە. توانای چەوری خوساندنی تێدایە و تەنیا 100 كالۆری لە خۆ دەگرێت. باشە بۆ ئەو كەسانەی كە دەیانەوێت كێشی لەشیان كەم بكەنەوە، بەم شێوەیەش مەترسییەكانی نەخۆشی دڵ بەڕێژەیەكی زۆر كەم دەكاتەوە.

پێنجەم: بیبەری سوور، بیبەری سوور زۆر گرنگە بۆ ئەو كەسانەی كە نەخۆشیی دڵیان هەیە، چونكە پڕە لە لیكۆپەین. هەروەها سەرچاوەیەكی باشی ریشاڵی تواوەن لەگەڵ ڤیتامین سی و دژەئۆكسید كە باشن بۆ تەندروستی دڵ.

شەشەم: شیلك، شیلك سەرچاوەیكی باشی مەنگەنیزە لەگەڵ ڤیتامین سی كە گرنگن بۆ كارە جۆراوجۆرەكانی زیندەپاڵی لەش. لەش لە رەگە ئازادەكان دەپارێزێت و رژێنی دەرەقی باشتر دەكات و یارمەتی هێشتنەوەی ئێسك دەدات و شەكری خوێن رێكدەخات. ئەم میوەیە بەهەمانشێوە دەوڵەمەندە بە ئایۆدین، ریشاڵ، فۆلاتە، پۆتاسیۆم، ڤیتامین كەی و مەگنیسیۆم.

حەوتەم: شووتی، بەهەمانشێوە شووتی دەوڵەمەندە بە لیكۆپەین و یارمەتی كەمكردنەوەی مەترسییەكانی نەخۆشی دڵ دەدات، كۆڵیسترۆڵی LDL كەم دەكاتەوە و مەترسییەكانی جەڵتەی دڵ كەم دەكاتەوە و رۆیشتنی خوێن باشتر دەكات.





ئەم هەواڵە 9478جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad