English | عربی | Kurdî دواهەواڵ
ڕاستەوخۆ  
 
دروستکەرێ پەیوەندیێن دبلوماسی
2019-05-06 [01:56 AM]

نڤیسینا : کاژین نزار


دەما وەلات ژناڤ دچن و روخانی ب سەردا دئێت هەمی کەس ب هەڤرا ئازادن و ماف هەیە دەست ب رەخنەیان بکن و کاکی سوجدارە ئاشکەرابکن، لێ هەردەما وەلات ئاڤا دبیت و بەرە بەرە پێشدکەڤیت و قوناغێت بزەحمەت دبریت، دڤێت ل وی دەمی ژی ب وژدان باخڤین و رولێ وان سەرکردان دیاربکین دوێ پێکەڤتن و ئاڤاکرنێ دا. ئەو کەسێ بڤێت حکومەتەکێ ب رێڤەببەت دڤێت دیاربکەت و بسەلمینیت کو کەسەکێ سادە نینە، دڤێت بسەلمینیت کا چەند کاریگەریەکا مەزن دێ دهەمی بیاڤاندا هەبیت، و ئەرکێ خوەیێ سیاسی ب سەرکەڤتیانە پێشانی هەموو جیهانێ بدت.
هەلبەت ئێک ژ خالێت گرنگ و کاریگەر هەبوونا پەیوەندیایە کو فەر و پێتڤییە هەر سەرکردەکێ وەلاتەکێ ئاڤابکەت و پێشڤە ببەت خوەدیێ پەیوەندیێت دبلوماسی یێن بهێز و مەزن بیت.
ئەڤ تشێن مە ل سەری باسکرین پێناسەیە کا ژهەژی نێچیرڤان بارزانی سەروکێ حکومەتا هەرێما کوردستانێ یە، کو سەرکدەیەک خوەدی کاریزما و کەسایەتیەک بهێز دیسان پێشتر دسەروکاتیا جڤاتا وەزیران دا خودان پەیوەندیێن دبلوماسیێن باش و بهێز بوویە لسەر ئاستێ ناڤخوە و ناڤدەولەتی، وهەروەسا کەسەکێ قبولکریە لسەر ئاستێ ناڤخوەی و دەرڤە، تایبەت هەبوونا پەوەندیێن باش دگەل سەرکردە و سەروکێن وەلاتێن زلهێز ژوان ئەمریکا، کو کارتێکرنەکا باش دچارەکرنا ئاریشێن کوردان دا هەبوویە، کو ژهەمیێ گرنکتر و ئاشکەراتر روویدانێن سالا٢٠١٤ و هاتنا تیرورستێن داعش بۆ ناڤ ئاخا هەرێمێ و عێراقێ، دشێن بێژین هەر ل سەردەمێ دەست بکاربوونا نێچیرڤان بارزانی وەکو سەروکێ حکومەتا هەرێمێ، کوردستانێ ب شێوەیەکێ گشتی قوناغێن باش بخوەڤە دیتن کو ژهەمیێ گرنگتر پەیوەندیێن دناڤبەرا کوردستان و ئەمریکاندا، ئەڤ پەیوەندی ژی ئەگەرێن سەرەکی بوون کو دوان کاودانێن بزەحمەت و دژوار یێن هەرێما کوردستانێ ل دەما هاتنا تیرورستێن داعش تێدا دەربازبووی، ئەمریکا هەڤکارەکا مەزنا کوردان بوو دوی شەریدا و کورد بتنێ نەهێلان، و سالانە بودجەیەک ژبۆ پێشمەرگەی تەرخاندکەت، و یا ژهەمیێ گرنگتر رێکەفتنا سەربازی دناڤبەرا ئەمریکا هەرێما کوردستانێ دا، کو ئەڤە ژی مەزنترین دەستکەفتا سیاسی بوو ژبۆ هەرێما کوردستانێ و ئەڤ بنکێن سەربازی یێن ئەمریکا ل هەرێمێ بەردەوام ژبۆ شەرێن دژی گروپێن توندرەو بکاردئێن ئەڤ یەک پتر پشتراست بوون بوو ژبۆ هەولاتیان و پاراستنا ئاسایشا هەرێمێ، و دیسان پاراستنا سەرمایا بازرگان و کومپانیێن بیانی دوپاتکر.
دەولەتمەدار نێچیرڤان بارزانی ژ وان سەرکردێن هشیاربیە د دروستکرن و پاراستنا پەیوەندیاندا، لەوما هەموو دەمان ب کەسەکێ رێزدار و خوەدان کاریزمایەک مەزن ژئالیێ سەرکردێن وەلاتێن زلهێزڤە دئێت پێشوازیکرن، و ب دوستەکێ مەزن دئێت هژمارتن، و ل ژێر سەروکاتیا نێچیرڤان بارزانی حکومەتا هەرێما کوردستانێ سیمایێ حکومەتەکا دیموکرات، مەدەنی و فرە حزبی وەرگرت، و خەباتێ ژبۆ کومەلگەهەکا مودێرن و پێشکەڤتی و ئازاد دکت، و نها ئەمریکا مەزترین کونسلخانە ل روژهەلاتا ناڤەرات ل هەولێرا پایتەختا هەرێما کوردستانێ دروست دکت کو بەرێ بنیاتا وێ ژئالیێ نێچیرڤان بارزانی ڤە هاتییە دانان.





ئەم هەواڵە 385جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad