English | عربی | Kurdî دواهەواڵ
ڕاستەوخۆ  
 
زانیاری لە بارەی دابینکردنی بەنزینی 450 دیناری ئاشكرا دەكرێت
2019-05-07 [08:56 AM]

ZNA- هەولێر


بەرپرسێکی وەزارەتی سامانە سرووشتیەکان ئاشکرای دەکات ھەولێر و بەغدا لە گفتوگۆدان بۆ ئەوەی عێراق بەنزین بۆ بەنزینخانەکانی ھەرێمی کوردستان بە نرخی 450 دینار دابین بکات.

ئاری کاکەشین، بەرێوەبەری دابەشکردنی سوتەمەنی هەولێر بە باسی راگەیاند: لە رێگەی ئیدارەی پارێزگای هەولێر هەوڵێک دەستی پێکردووە لەگەڵ بەغدا بۆ ئەوەی بەنزین بە نرخی حکوومی لە رێگەی بەغدا بۆ هەولێر دابین بکرێت کە بۆ لیترێک 450 دینارە، بەشێوەی زارەکی رەزامەندی دراوە بەڵام رەزامەندی یەکجاری ماوە".

ئەو روونی کردەوە، هەوڵەکان بەردەوامە و ئەوانیش هەموو کارئاسانیەک دەکەن بۆ ئەوەی کارەکە سەربگرێت، گوتیشی: "ئەگەر بکرێت ئەوە ئێمە لە رێگەی بەنزینخانە حکوومیەکان بەنزینەکە دابەش دەکەین چونکە چەندین بەنزینخانەی حکوومیمان هەیە ئێمە ئامادەین هیچ کێشەیەکی هونەریمان نیە".

بەپێی بەدواداچوون دەردەکەوێت نرخی هەر لیترێک بەنزین لە نێوان پارێزگاکانی عێراق و هەرێمی کوردستان 300 دینار جیاوازی هەیە، بە جۆرێک لەپارێزگاکانی تری عێراق لیتری بەنزین بە 450 دینارە بەلام لە هەرێمی کوردستان لە نێوان 670 بۆ 700 دینارە.

کاکەشین ،ئاشکرای کرد حکوومەتی عێراق بە نرخی پاڵپشتی کراو بەنزین بە بەنزینخانەکانی خۆی دەدات، لەوێ لە بەنزینخانەی ئەهلی و حکوومی بە 450 دینارە، پێشووتر لێرەش هەبوو بە 500 دينار،بەڵام ماوەی چەند ساڵێکە نەماوە.

 





ئەم هەواڵە 8281جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad