 |
|
|||
ZNA- ھەولێر ئه‌ندامی لیژنه‌ی په‌یوه‌ندییه‌كانی ده‌ره‌وه‌ی ئه‌نجوومه‌نی نوێنه‌رانی عێراق، نه‌عیم عه‌بودی رایگه‌یاند، به‌غدا فشاری ئه‌مه‌ریكا سه‌باره‌ت به ئێران ره‌تده‌كاته‌وه. له لێدوانێكیدا بۆ كه‌ناڵی (RT)ـی رووسی، عه‌بودی گوتی: فشاری ئه‌مه‌ریكا له‌سه‌ر عێراق ره‌تده‌كه‌ینه‌وه. گوتیشی: پێویسته حكومه‌ت له پێودانگی هێزه‌وه، مامه‌ڵه له‌گه‌ڵ گۆڕانكاری و پێشهاته هه‌رێمایه‌تییه‌كان بكات. هه‌روه‌ها گوتی: عێراق خاوه‌نی سه‌رچاوه‌ی مرۆیی و ماددی به‌هێزه له ناوچه‌كه و ده‌توانێت رۆڵێكی گه‌وره له پێشهاته سیاسییه‌كاندا ببینێت. ئه‌و ئه‌ندامه‌ی ئه‌نجوومه‌نی نوێنه‌رانی عێراق، ره‌تیشیكرده‌وه، عێراق بكه‌وێته ژێر باری فشاره‌كانی ئه‌مه‌ریكا له دژی كۆماری ئیسلامی ئێران. ئاماژه‌ی به‌وه‌شكرد، ئێران و عێراق له رووی مێژوویی و جوگرافییه‌وه به‌یه‌كه‌وه په‌یوه‌ستن و له به‌رژه‌وه‌ندی عێراقدا نییه، ببێنه به‌شێك له سزاكانی ئه‌مه‌ریكا له دژی ئێران. ئەم هەواڵە 10717جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad