English | عربی | Kurdî دواهەواڵ
ڕاستەوخۆ  
 
قۆناغەکا نوو بۆ کوردستانەکا ب هێز ل ئایندەیێ
2019-05-10 [01:14 AM]

نڤیسینا : سەربەست خالد کۆچەر


ل هەلبژارتنێن پەرلەمانێ کوردستانێ ل ۳٠ی ئیلۆنا ۲٠۱۸ێ خەلکێ کوردستانێ بەژداریەکا باش و سەرکەفتی دڤێ پرۆسێ دا کر واتە گەلێ کوردستانێ باوەریەکا تەمام ب ڤان هەلبژارتنان هەبوویە کو گۆهورین د سەرجەم سیستەمێ حکومرانی و چەمکێ دەستهەلاتێ دا درۆست بیت. ئەو هێز و پارتا وان دخواست گەهاند دەستهەلاتا رێڤەبرنێ ، هەلبەت پارتی دیموکراتی کوردستان خودان سەرکەفتیا ئێکێ دەرچوو ل ڤان هەلبژارتنان ئەڤەژی ب هیمەتا خەلک و جەماوەرێ کوردستانێ کو پارتی ٤٥ کورسی دەستڤەئینان و وەک هەمیشە پێگەهەکێ سەرکەفتی و جەماوەری بەرقرار و پەیدا کر. ئیتر خەلک چاڤەرێ پێک ئینانا کابینەیا نوو یا حکومەتا هەرێمێ بوو کو ئەو حکومەتا بکاریت خوشگوزەرانی و خزمەتگوزاریێن وەلاتیان ، پێشڤەبرنا ئەزموون و گشت بیاڤێن ژیانێ ، پاراستنا دەستکەفێن خەلکێ کوردستانێ ، دانان بناغە و داهاتەکێ جێگر بشێت بەردەوامی ب خزمەتکرنا خەلکێ کوردستانێ بدەت. پارتی بژاردەیا دان و ستاندنان دگەل ئالیێن سیاسی هەلبژارت کو هەمی ئالی دحکومەتا نوو دا یا بهێت رۆلێ خۆ بگێرن. پارتی جودا دگەل گۆران و ئێکەتیێ روونشت سەبارەت پشک و پێک ئانینا حکومەتێ و بەرچاڤ وەرگرتنا دەنگ و باوەریا خەلکێ کوردستانێ ب دەستهەلاتێ و خزمەتکرنا خەلکی ، دناڤا ڤان هەمی گرێیان دا و لێک تێگەهشتنا لایەنێن سیاسی پێدڤی ب رۆلەکێ سەرکردایانە و سیاسی ، ئەکادیمی ، خودان ئەزموون ، هوشیارە. دڤان پرسان دا گرنگیەکا مەزن هەیە بۆ ئێکگرتن و ل هەڤهاتنا ئالیێن سیاسی و درێک خۆەشکرنا نەخاسمە پەیوەندیێن پارتی دگەل بزاڤا گۆران ، نێچیرڤان بارزانی تەڤ ئەو گرێین ئالۆز و ناکوک بنبر کرن ئەو بۆ ل ۱۸ی شواتێ پارتی ب دوو پاکێجا رێککەفتن ل گەل گۆران ئیمزاکر. پشتی دان و ستاندنەکا درێژ دناڤبەرا پارتی و ئێکەتیێ دا سەبارەت پوست و پشکا ئێکەتی و کاراکرنا پرۆژە یاسایا سەرۆکاتیا هەرێما کوردستانێ تەڤ ئەو خالێن ناکوکێن بەردەم رێک نەکەفتنا هەردوو ئالیان ، ئەگەر بەرچاڤ روونیەکێ بۆ بکەین دڤێت کەسایەتیەکێ مینا نێچیرڤان بارزانی ل هزر بکەین کو پێدڤی ب هوشیاری و بیرمەندیا وی دبیت. پارتی بەردەوامیا خۆە نیشان دا پێخەمەت پاراستنا ئێک رێزیا گەلێ کوردستانێ لەورا مێزا دان و ستاندنێ وەک هەردەم ب چارەسەرکارا هەردوو لایان زانی ، سەرئەنجام ب زانایێ و شارەزایا نێچیرڤان بارزانی سەرۆکێ داهاتیێ کوردستانێ ئەو گرێین توند و رێکێن سەخت ڤەکرن و کورت کرن هیڤی و ئاواتێن گەشبین و رووناک ئێخستنە باوەشا خەلکێ کوردستانێ و دەستکەفتێن مەزن دەستڤەهاتن. لەورا پارتی و ئێکەتی گەهشتنە رێککەفتنا داویێ ئەو بوو ل ٥ی ڤێ مەهێ رێککەفتنا هەردوو حزبان هات ئیمزاکرن لدۆر پێکئینانا حکومەتێ.دڤێت هزر دوێ چەندێ دا بهێتەکرن و ئەو تەحمول و هەدارا خەلكێ کوردستانێ بەرچاڤ بهێتە وەرگرتن ب خزمەتکرنا خەلکی و گرەنتیکرنا ژین و ژیانا وەلاتیان دێ شێن کوردستانەکا پێشکەفتی و ئێکگرتی درۆست کەین ، لەورا رۆحیەت و هونەرێ برێڤەبەر یێ نێچیرڤان بارزانی د نێزیک کرنا رێککەفتنێن پارتی دگەل لایەنێن دی رۆلەکێ گرنگ و ئەرینی و سەرکەفتی بوو. دیسان بۆ قوناغا نهۆ و دانانا بناغەیێ کوردستانەکا بهێز ب هەمی باوەری پێدڤی ب کەسایەتیەکێ خودان پێگەهەکێ ب هێز ، ئەزموون ، ئیداری ، دبلوماسی ، سیاسی ، زانا ، ژیرمەندە. مینا نێچیرڤان بارزانی یە کو کوردستانەکا ب هێز و ئاسوویەکێ گەش ب هیمەتا وی بۆ کوردستانیان چاڤەرێ یە ل ئایندەیێ.





ئەم هەواڵە 3598جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad