English | عربی | Kurdî دواهەواڵ
ڕاستەوخۆ  
 
په‌هله‌وانێ سه‌ركه‌فتنێ
2019-05-10 [01:16 AM]

نڤیسینا : ئاشتى فه‌تحى بێسفكى


پشتى حه‌فت مه‌هێن چاڤه‌رێبونا هاولاتیێن كوردستانى ژ دوو دلى و ئازارێن گران ، چاڤه‌رێ بوون ژ دوو پارتێن سیاسى یێن مه‌زن یێن كو بێ هه‌بونا وان حكومه‌ت یا مه‌حال بوویه‌ ، پشتى ئیمزاكرنا رێكه‌فتناما دوماهیكێ دناڤبه‌را پارتى دیموكراتى كوردستان و ئێكه‌تیا نیشتمانى یا كوردستانى ل 5 ى گولانا 2019 خه‌به‌ره‌كێ دلخوشكه‌ر بوویه‌ بو ته‌ڤایا كوردستانیان ، هه‌تا ئاسته‌كێ مه‌زن دوو دلى و ئازار لده‌ڤ هاولاتیان كێم كریه‌ ، زێده‌بارى رێكه‌فتناما دناڤبه‌را پارتى دیموكراتى كودستان و بزاڤا گوران كو ئه‌و ژى فاكته‌ره‌كێ گرنگ بوویه‌ ژبو پێكئینانا پروسه‌یا سیاسى یا نوى ل هه‌رێما كوردستانێ ، ئێكه‌تیا نیشتیمانى یا كوردستانى هه‌ر روژ ب بیانویه‌كا نوى كار بو گیروكرنا پروسێسا سیاسى یا نوى ل هه‌رێما كوردستانى دكه‌ت ژبه‌ر كو پارته‌ك باوه‌رى ب دیموكراسیێ هه‌بیت و خودانا 21 كورسیان بیت نه‌ك ب ئوپوزسیون بونێ رازى دبیت نه‌ك ب به‌شداریكرن دحكومه‌تێ دا رازى دبیت له‌وران ئێكه‌تیا نیشتیمانى یا كوردستانى ئه‌گه‌رێ سه‌ره‌كى یێ گیروكرنا حكومه‌تا نوى یه‌ ، سه‌ره‌راى دروست بونا رێكه‌فتناما دناڤبه‌را پارتى دیموكراتى كوردستان و ئیكه‌تیا نیشتیمانى یا كوردستانى ل 5 ى گولانا 2019 پشتى بورینا دوو روژان ل 7 ى گولانا 2019 گه‌فێن گیروكرنا حكومه‌تێ كر ئه‌گه‌ر هات و سه‌روكاتیا هه‌رێما كوردستانێ دوو جێگر نه‌بن ، ب دیتنا من جارێ ئه‌ڤه‌ ده‌ست پێكه‌ و ل داهاتى دا ل كارێ حكومه‌تا نوى دا دڤێت پارتى دیموكراتى كوردستان بێهن فره‌هیا ئه‌یوبى هه‌بیت دگه‌ل ئێكه‌تیا نیشتیمانى یا كوردستانى و سه‌ره‌راى رولێ دادڤانیێ بگێریت ل هه‌مبه‌ر كێشه‌ و ناكوكیێن دناڤبه‌را ئێكه‌تیا نیشتیمانى یا كوردستانى و بزاڤا گوران دپله‌ و پوسته‌یێن حكومى دا ، كه‌واته‌ ئه‌ركێ پارتى دیموكراتى كوردستان دێ گران تر بیت ، لڤێره‌ دا پارتى دیموكراتى كوردستان هه‌ر ژ ده‌ستپێكا دان و ستاندنان  دگه‌ل لایه‌نێن سیاسى یێن سه‌ركه‌فتى د هه‌لبژارتنان دا كوم بوو ژبو گفتوگوكرن لسه‌ر چه‌وانیا پێكئینانا كابینه‌یا حكومه‌تا نوى یا هه‌رێما كوردستانێ ، شیایه‌ چه‌ندین ئاسته‌نگ و قوناغان ده‌ربازبكه‌ت ب هونه‌ره‌كێ جوان و تایبه‌ت گشت لایه‌نێن سیاسى یێن سه‌ره‌كى رازى بكه‌ت كو پێكڤه‌ خزمه‌تا هاوه‌لاتیێن كوردستانى بكه‌ن ، لڤێرێ رولێ جێگرێ سه‌روكێ پارتى دیموكراتى كوردستان (نێچیرڤان بارزانى) روله‌كێ ئێكجار مه‌زن و كاریگه‌ر گێرایه‌ تا گه‌هاندن ب قوناغا ئه‌ڤروكه‌ ، كو به‌رده‌وام دووپاتیێ ل ئێك دوو قه‌بویلكرن و برایه‌تیێ كریه‌ .





ئەم هەواڵە 2701جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad