English | عربی | Kurdî دواهەواڵ
ڕاستەوخۆ  
 
2كەس بە تۆمەتی بازرگانیكردن بە مادەی هۆشبەرەوە دەستگیركران
2019-05-11 [08:04 AM]

ZNA-هەولێر


دوو كەس بەتۆمەتی بەكارهێنان و بازرگانیكردن بە مادەی هۆشبەرەوە دەستگیركران.

لەراگەیانراوێکدا بەڕێوەبەرایەتی پۆلیسی راپەڕین راگەیاند، لە رۆژی 9-4-2019 دوای ئەوەی بنكەی پۆلیسی فریاكەوتنی رانیە كەسێكیان بە تۆمەتی شەڕكردن دەستگیركرد و بە گومانی بەكارهێنانی مادەی هۆشبەر رادەستی بەشی پۆلیسی نەهێشتنی تاوانی راپەڕین كرا، دواتر لە ئەنجامی لێكۆڵینەوە دەركەوتوە بەكارهێنەری مادەی هۆشبەرە و دانی ناوە بە تاوانەكەیدا.

هەر لە هەمان رۆژدا دوای بەدواداچون و بەدەستهێنانی زانیاری، كەسێكی دیكەش لەلایەن بەشی پۆلیسی نەهێشتنی تاوانی راپەڕینەوە دەستگیركراو دوای لێكۆڵینەوە لەگەڵیدا دانی ناوە بە تاوانەكەیدا، كە بەكاربەر و بازرگانی بە مادەی هۆشبەرەوە كردوە.

ئاماژە بەوەشكراوە، تۆمەتبارەكان تەمەنیان لە سەرووی 18 ساڵە و لە رەگەزی نێرن، دوای لێكۆڵینەوە لەگەڵیاندا لەبەردەمی پۆلیس و دادگا دانیان ناوە بە تاوانەكەیاندا و دوای بەدەستهێنانی بڕیاری دادوەر و پشكنین بۆ ماڵیان، توانرا دەستبگیرێت بەسەر چەك و چەند كەلوپەلێكی تایبەت بە بەكارهێنانی دەرمانی بێهۆشكەردا.

لە ئێستادا تۆمەتباران بە بڕیاری دادوەر بە پێی مادەی 14 لە یاسای مادە هۆشبەرەكان راگیراون.
 





ئەم هەواڵە 1099جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad