English | عربی | Kurdî دواهەواڵ
ڕاستەوخۆ  
 
فەرەنسا: دۆناڵد ترەمپ بنەما نێودەوڵەتیەكانی تێكشكاندووە
2019-05-12 [07:03 AM]

ZNA – هەولێر


وه‌زیری ده‌ره‌وه‌ی فه‌ره‌نسا، پێیوایه‌ بانگه‌شه‌كردن بۆ پێكدادان له‌نێوان ده‌وڵه‌تان، ده‌بێته‌ هۆی درووستبوونی فه‌وزایه‌كی نێوده‌وڵه‌تی و به‌رپرسیارێتی گه‌وره‌ی ئه‌و بابه‌ته‌ش، ده‌خاته‌ ئه‌ستۆی دۆناڵد تره‌مپ.دەشڵێت، له‌ ئێستادا بنه‌ما و بناغه‌ سه‌ره‌كی ژیانی نێوده‌وڵه‌تی، پارچه‌ پارچه‌ بووه‌، چیدیكه‌ دامه‌زراوه‌ و په‌یماننامه‌ و به‌ڵێنه‌كانی پیشوو و سنووره‌كان، رێزلێگیراو نین".

وه‌زیری ده‌ره‌وه‌ی فه‌ره‌نسا، جان ئیڤ لودریان، له‌ گفتوگۆیه‌كی دا له‌گه‌ڵ رۆژنامه‌ی "پاریسیان" ده‌ڵێت: "هه‌ندێك بانگه‌شه‌ی ئه‌وه‌ ده‌كه‌ن، پشت به‌ په‌یوه‌ندی نێوده‌وڵه‌تی نه‌به‌ستن و ئه‌و په‌یوه‌ندییە بۆ هاریكاری نه‌بێت، به‌ڵكو پێویسته‌ وڵاتان رووبه‌ڕووی یه‌كتر ببنه‌وه‌، ئه‌وه‌ش خستنه‌ مه‌ترسی په‌یوه‌ندییه‌كانه‌ و ده‌بێته‌ جۆرێك له‌ فه‌وزای نێوده‌وڵه‌تی".

لودریان ده‌ڵێت: "له‌ ئێستادا بنه‌ما و بناغه‌ سه‌ره‌كی ژیانی نێوده‌وڵه‌تی، پارچه‌ پارچه‌ بووه‌، چیدیكه‌ دامه‌زراوه‌ و په‌یماننامه‌ و به‌ڵێنه‌كانی پیشوو و سنووره‌كان، رێزلێگیراو نین".

وه‌زیری ده‌ره‌وه‌ی فه‌ره‌نسا، به‌شێكی سه‌ره‌كی هۆكاری ئه‌و تێكشكانه‌، ده‌خاته‌ ئه‌ستۆی دۆناڵد تره‌مپ، سه‌رۆكی ویلایه‌ته‌ یه‌كگرتووه‌كانی ئه‌مه‌ریكا، له‌ هه‌مان كاتیشدا، چین و رووسیا له‌ پرسه‌كه‌ تێوه‌گلاون له‌ تێكدانی ئه‌و هاوسه‌نگییه‌.

لودریان روونیشی  ده‌كاته‌وه‌، له‌و ماوه‌یه‌ی ئێستا جیهان پێیدا تێپه‌ڕ ده‌بێت، "توندوتیژی زیاتر و تیرۆریزمیش به‌رده‌وام ده‌بێت".

له‌گه‌ڵ ئه‌وه‌شدا، لودریان ده‌خوازێت هه‌موو لایه‌نه‌كان پابه‌ندی كارنامه‌یه‌كی گشتگیر و هاوبه‌ش بن له‌ پرسی به‌رنامه‌ی چه‌كی ناووكی ئیرانی و دووپاتی كرده‌وه‌، ئه‌وه‌ به‌ شێوه‌یه‌كی سه‌ره‌كی له‌سه‌ر ئێران جێبه‌جێ ده‌بێت، به‌ڵام ئه‌مه‌ریكاش به‌رپرسیارێتی له‌ ئه‌ستۆدایه‌.

 

 





ئەم هەواڵە 1123جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad