2019-05-18 [03:55 AM]

لەمیانەی یارییەکانی گەڕی سی و چواری خولی بۆندسلیگای ئەڵمانی یانەی بایەرن میونشن میوانداری یانەی ئەنتراخت فرانکفۆڕتی کرد . 

یانەی بایەرن میونشن توانی یارییەکە لەبەرژەوەندی خۆی یەکلایی بکاتەوە بە ئەنجامی پێنج گۆڵ بەرامبەر بە گۆڵێک بۆ یانەی فرانکفۆرت . 

گۆڵەکانی یانەی باڤاری لە خولەکەکانی ٤، ٥٣ ، ٥٨ ، ٧٢ و ٧٨ لەرێگەی یاریزانان کومان ، ئالابا ، سانشێز ، رێبیری و رۆبن تۆمارکران ، تاکە گۆڵەکەی یانەی فرانکفۆرتیش لە خولەکی ٥٠ لەلایەن یاریزان سیباستیان ھیلەر تۆمارکرا. 

بەم ئەنجامە یانەی بایەرن میونشن کۆی خاڵەکانی گەیاندە ٧٨ خاڵ و توانی بۆ جاری حەفتەم لەسەر یەک نازناوی بۆندسلیگا بەدەست بھێنێت . 

یاسین ئەحمەد