English | عربی | Kurdî دواهەواڵ
ڕاستەوخۆ  
 
ھەڤپەیمانیا بەرژەوەند پارێز
2019-05-23 [04:50 AM]

نڤیسینا : غیاس خالد زێباری


ھەڤپەیمانی لێک تێگەھشتنا دوو لایەنا یان یان زێدەترە بۆ پاراستنا بەرژەوەندێن وان دھێنە کرن ، لسەر ئاستێ جیھانێ ھەر د کەڤندا بۆ پاراستنا بەرژەوەندێن خۆ و سەرکەفتن بسەر دژبەران وەلاتان پەنا بریە بەر ھەڤپەیمانیا ، وەک ھەڤپەیمانیا ناتۆ و وارسو و ..ھتد . 
ھەڤپەیمانیا دگەل وەلاتێن زلھێز و خودان ھێزێن لەشکری و ئابووری ، فاکتەرێن پاراستنا بەرژەوەندا و مەرەما ھەڤپەیمانیێ یە . 
ئەگەر د بەرێ دا رێکێن بجە ئینانا ئارمانجێن سیاسی یێن وەلاتان ، دبلۆماسیەت و ئابوور و لەشکر و لایەنێن دەروونی و راگەھاندن بیت ، لڤی سەردەمی  ھەڤپەیمانی دگەل لایەنەکێ بھێز لوان بوواران کاریگەرترە ، چونکی پاراستنا نیڤ دەولەتی بڤان ھەڤپەیمانیا دابین دبیت .
ھەڤپەیمانیێن ستراتیژی چەند د گرنگ و پێتڤی بن ، بۆ وەلاتێن بچیک و ھەرێمێن مینا ھەرێما کوردستانێ شیانێن چونە دناڤ ھەڤپەیمانان گرنگترە ، چونکی یا گرنگ ئەوە تۆ وەلاتەکێ سەربەخۆ و خۆدان سەروەری نەبی بشێی بچیە دناڤ ھەڤپەیمانیێن مەزن دگەل وەلاتێن زلھێز لسەر ئاستێ جیھانێ و یان ھەڤپەیمانیا وەلاتەکێ مینا ئەمریکا بی . چونکی وەلات زێدەتر سەرەدەریێ دگەل وەلاتێن سەربەخۆ دکەن . 
راستە ھەرێما کوردستانێ ب فەرمی پشکەکە ئانکۆ ھەرێمەکە دناڤ عیراقا فیدرال دا ، لێ ئاستێ پەیوەندیێن ھەرێما کوردستانێ لسەر دەستێ نێچیرڤان بارزانی سەرۆکێ حکومەتا ھەرێما کوردستانێ و بەربژێرێ پارتی بۆ سەرۆکاتیا ھەرێما کوردستانێ گەھشتیە ئاستێ پەیوەندیێن وەلاتێن سەربەخۆ دگەل ژمارەکا وەلاتێن زلھێزێن جیھانێ و سازیێن نیڤ دەولەتی ، دگەل ئەمریکا و فرەنسا و ئەڵمانیا و چەند وەلاتەکێن دیتر گەھشتیە ئاستێ ھەڤپەیمانیێ .
سەرەدانێن بەردەوامێن شاند و پلەدانێن لسەر ئاستێ بلندێ ڤان وەلاتان بۆ ھەرێما کوردستانێ بەڵگەنە لسەر سەرکەفتنا سیاسەتا نێچیرڤان بارزانی یا دبلۆماسی ، چونکی ئەڤ وەلاتە ھەرێما کوردستانێ ب ھەڤپەیمانێن خۆ ھژمار دکەن و د دەلیڤێن بەرتەنگ دا پشتەڤانیا ھەرێمێ کریە ، چ لدەمێ ھێرشێن تیرۆرستێن داعش کۆ جیھان ئاڵۆز کربوو ، یان نەبڕینا پەیوەندیا دگەل ھەرێما کوردستانێ پشتی روودانێن خیانەتکاریا شازدێ ئکتۆبەرا سالا ٢٠١٧ و وان گەماروویێن حکومەتا عیراقێ لسەر ھەرێمێ سەپاندی . ھەبوونا مەزنترین کۆنسولگەریا ئەمریکا ل ھەولێرا پایتەخت دەسکەفتەکێ مەزنە بۆ ھەرێما کوردستانێ و نیشانێ ھەربوونا رێکەفتنەکا ستراتیژیەکا دوور و درێژە دگەل ھەرێمێ . 
پشتەڤانیا ڤان وەلاتێن نێچیرڤان بارزانی شیان ئاستێ پەیوەندیێن دناڤبەرا وان دگەل ھەرێمێ بگەھینە ڤی ئاستی کۆ گڤاشتنا لسەر حکومەتا عیراقا فیدرال بکەت ، دەستا ل گەف و گڤاشتنا لسەر کوردستانێ بەردەن و بۆ دیالۆگ و دەستوورێ ھەردەمی بزڤرن بۆ چارەسەرکرنا پرسێن دناڤبەرا واندا . ئەڤ ھەڤپەیمانی و ئاستێن دبلۆماسیێن لسەر دەستێ نێچیرڤان بارزانی ھاتینە گرێدان ، گەھشتینە وی ئاستێ د کۆمبوونێن رێکخراوا نەتەوەیێن ئێکگرتی دا وەلاتێن مەزن داکۆکیێ لسەر گرنگیا ھەرێما کوردستانێ بکەن و داخاز بکەن ئاستێ پەیوەندیێن ھەرێمێ دگەل عیراقێ بەرەڤ چارەسەریێن بنەرەتی ببەن .
ڤێ سیاسەتا سەرکەفتیا نێچیرڤان بارزانی خزمەتەکا ھەرە زۆر گەھاندیە ھەرێما کوردستانێ و ئاسایشا نەتەوی یا کوردستانێ و بۆ قۆناغێن داھاتی ژی بناغە و ستراتیژیەکا مۆکۆم بۆ پاراستنا کوردستانێ و پێشڤەبرنا ھەمەلایەنیا ھەرێما کوردستانێ و بھێزکرنا وێ ھاتیە دارشتن . چونکی نێچیرڤان بارزانی شیایە بالانسێ ھەرێما کوردستانێ رابگریت و پەیوەندیێن ھەرێمێ چەندین ئاراستەیە ، شیایە دگەل ئەمریکا پەیوەندیا خورتر بکەت و دگەل ئیرانێ ژی کۆ دژبەرا سەرەکیێ ئەمریکا یە ، ئاستێ پەیوەندیا لبەرێ باشتر بکەت ، ئەڤەژی پلان و ستراتیژیەکە دێ خزمەتا بەرژەوەندێن ھەرێمێ کەت لدەمێ روودانەکا دناڤبەرا واندا ، ھەروەسا دگەل وەلاتێن دیترێن ھەرێمی وەک تورکیا و ئۆردن و سعودیە و ئیمارات و کووێت . 
بڕەنگەکێ گشتی ھەرێما لسەر دەستێ نێچیرڤان بارزانی پێشڤەبوونێن ھەرەمەزن ژلایێ سیاسی و دبلۆماسی و ئابووری بخۆڤە دیتنە و ھەرێما کوردستانێ کریە ھەڤپەیمان وەلاتێن زلھێزێن جیھانێ بۆ پاراستنا بەرژەوەندێن کوردستانێ ، ئەڤەژی فاکتەرن کۆ دەست بکاربوونا نێچیرڤان بارزانی وەکی سەرۆکێ ھەرێما کوردستانێ ئاستێ ڤان بووارن و ھەڤپەیمانیا دێ گەھنە ئاستێن باشتر و مۆکۆمتر بۆ پاراستنا بەرژەوەندێن ھەرێما کوردستانێ ل قۆناغێن داھاتی و پێشوازیەکا مەزن لسەر ئاستێ جیھانی و ھەرێمایەتی دێ ب سەرۆکایەتیبوونا جەنابێ وی وەک سەرۆکێ ھەرێما کوردستانێ ھێتە کرن .





ئەم هەواڵە 2899جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad