English | عربی | Kurdî دواهەواڵ
ڕاستەوخۆ  
 
وه‌زیری ده‌ره‌وه‌ی عێراق: پشتیوانی ئێران ده‌كه‌ین
2019-05-26 [10:06 AM]

ZNA- ھەولێر


محه‌مه‌د حه‌كیم، وه‌زیری ده‌ره‌وه‌ی عێراق، دوای كۆبوونه‌وه‌ی له‌گه‌ڵ محه‌مه‌د جه‌واد زه‌ریف، هاوتا ئێرانییه‌كه‌ی، له‌ كۆنگره‌یه‌كی رۆژنامه‌وانی هاوبه‌شدا هه‌ڵوێستی وڵاته‌كه‌ی له‌ باره‌ی گرژییه‌كانی نێوان ئه‌مه‌ریكا و ئێران خسته‌ڕوو و رایگه‌یاند، ئاماده‌ن رۆڵی نێوه‌ندگیر بگێڕن.

وه‌زیری ده‌ره‌وه‌ی عێراق رایگه‌یاند، له‌ كۆبوونه‌وه‌یاندا له‌گه‌ڵ زه‌ریف باس له‌ رێككه‌وتنی زیاتری نێوان عێراق و ئێران كراوه‌ له‌ رووی په‌یوه‌ندییه‌ بازرگانییه‌كان و درووستكردنی شاری پیشه‌سازی هاوبه‌ش، هاوكات دووپات له‌ به‌ستنه‌وه‌ی هه‌ردوو وڵات له‌ رێگه‌ی هێلی ئاسنینه‌وه‌ كرده‌وه‌.

سه‌باره‌ت به‌ گه‌مارۆ و سزا ئابوورییه‌كانیش، كه‌ له‌لایه‌ن واشتنه‌وه‌ به‌سه‌ر تاراندا سه‌پێندراوه‌، حه‌كیم روونی كرده‌وه‌، ئه‌و گه‌مارۆیانه‌ به‌ سوود نابن و زیانیان هه‌یه‌ بۆ ناوچه‌كه‌.

هاوكات راشیگه‌یاند، دژی رێكار و سزاكانی ئه‌مه‌ریكان و  پشتگیری و پشتیوانی ئێران ده‌كه‌ن.

لای خۆیه‌وه‌، محه‌مه‌د جه‌واد زه‌ریف، له‌ كۆنگره‌ رۆژنامه‌وانییه‌كه‌دا رایگه‌یاند، به‌رده‌وام ده‌بن له‌ په‌ره‌پێدانی په‌یوه‌ندییه‌كانی نێوان هه‌ردوو وڵات و ده‌یانه‌وێت باشترین په‌یوه‌ندییان له‌گه‌ڵ عێراق و وڵاتانی ناوچه‌كه‌ هه‌بێت.

سه‌باره‌ت به‌ گرژییه‌كانی نێوان وڵاته‌كه‌ی له‌گه‌ڵ ئه‌مه‌ریكا رایگه‌یاند، ئه‌وان پابه‌ندی ته‌واوی رێككه‌وتننامه‌ و په‌یماننامه‌ نێوده‌وڵه‌تییه‌كان و ئه‌مه‌ریكاشی به‌وه‌ تۆمه‌تبار كرد، كه‌ پێشێلی رێككه‌وتنه‌كانی كردووه‌.

ئاماژه‌ی به‌وه‌شكرد، ئاژانسی وزه‌ی نێوده‌وڵه‌تی له‌ راپۆرته‌كانیدا ئه‌وه‌ی سه‌لماندووه‌ كه‌ تاران پابه‌ندی رێككه‌وتنه‌كان بووه‌.





ئەم هەواڵە 1786جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad