English | عربی | Kurdî دواهەواڵ
ڕاستەوخۆ  
 
بەرپرسێك: 4 ملیار دیناری ساختە كەوتۆتە بازارەكان
2019-05-28 [08:38 AM]

ZNA – هەولێر


چەند بەپرسێکی بانکی ناوەندی باس لە بڵاوبوونەوەی دراوی ساختە دەکەن بەرپرسێکیش داوا لە هاوڵاتیان دەکات ئاگاداری دروای ساختە بن لەكاتی ئاڵوگۆڕی دراو.

جەعفەر غولام، بەڕێوەبەری فەرمانگەی دەرچوون لە بانکی ناوەندی عێراق ئاشکرای کردووە 4 ملیار دیناری ساختە خراوەتە بازاڕەکان. گوتی : "رۆژانە پارەی ساختە دەکەوێتە بازاڕەکان و مانگانە بانکی ناوەندی و بانکەکانی تری ئەهلی زیاتر لە 200 ملیۆن دیناری ساختە کۆ دەکەنەوە".

عابد ساڵح، بەڕێوەبەری گشتیی بانکی ناوەندی عێراق لە هەرێمی کوردستان بە باسی را گەیاند: ئەو دراوە ساختەی باس دەکرێت زیاتر لە بازاڕەکانی ناوەڕاست و باشووری عێراقە، دەشڵێت"ناڵێین پارەی ساختە لە بازاڕەکانی هەرێمی کوردستان نیە، بەڵام بەم جۆرە نیە کە لە شوێنەکانی تری عێراق هەیە".

ئەو روونی کردەوە، پارەی ساختە هەمووکات هەبووە، هەبوونی 4 ملیار دیناریش لە بازاڕەکانی عێراق شتێکی خراپە بۆ ئابووری، ئەوەی لای ئێمە ئاشکرا بووە پارەیەکی کەمی ساختەیە و نەبۆتە هۆکاری دروستکردنی تەنگژە لە بازاڕدا، ساختەکردنیش لە نێو دینار و دۆلار و یۆرۆش هەیە".

عابد ساڵح دەشڵێت: "رێنماییمان بۆ خەڵک ئەوەیە هۆشیار بن لە کاتی وەرگرتن و ئاڵوگۆڕی پارە ،بێ پشکنین پارە وەرنەگرن".

بەرپرسەکەی بانکی ناوەندی ئاشکراشی دەکات زۆرجار لە دراوی 50 هەزاری و 25 هەزاری و 10 هەزاری ساختەکاری کراوە.

زياتر لە 45 ترلیۆن دیناری عێراقی لەلایەن بانکی ناوەندی خراوەتە بازاڕەوە.

بەپێی یاسای سزادانی عێراقی، سزای ساختەکردنی دراو بریتییە لە بەندکردن بۆ ماوەیەک کە لە 10 ساڵ کەمتر نەبێت ‌و لە 15 ساڵ زیاتر نەبێت.





ئەم هەواڵە 2758جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad