English | عربی | Kurdî دواهەواڵ
ڕاستەوخۆ  
 
سەرۆکەکێ ب ئەزموون و دووربین بۆ هەرێما کوردستانێ.
2019-05-28 [12:49 PM]

نڤیسینا : سەربەست خالد کۆچەر


سەرۆکاتیا هەرێما کوردستانێ وەک گرنگترین دەزگەها بلند ل رۆژهەلاتا ناڤین و هەرێما کوردستانێ تێ ناسکرن ، وەک کوچکەکا کوماری سەرەدەریێ دگەل دهێتەکرن ژلایێ وەلاتێن جیهانێ و گرنگترین سەنتەرێ فەرمانداریا هێزێن چەکدار و بریاردان ، بریارا سیاسی ، پەیوەندیێن دەرڤەیە ل هەرێمێ و پێگەهەکێ گرنگێ دەستهەلاتێ و خودان مەزنترین سەروەری بوویە د زۆربەیا هەرا زۆرا قۆناغێن کوردستانێ دا. نێچیرڤان بارزانی نەڤیێ رێبەر و پێشەوایێ نەتەوا کورد بارزانی نەمرە ، کورێ سەرکردەیێ دیارێ کوردستانێ و پارتی دیموکراتی کوردستان و پێشەنگێ خەبات و بەرخودانێ ئیدریس بارزانی یە ، کو بەربژێرێ فەرمیێ پارتی و پرانیا پێکهاتە ، لایەن و گەلێ کوردستانێ بوویە بۆ پوستێ سەرۆکاتیا هەرێما کوردستانێ. هەلبەت هەر ژ دەسپێکا لاوەتی و گەنجاتیا نێچیرڤان بارزانی کەتیە کاروانێ خەبات و پێشمەرگاتیێ دا و هەست ب خزمەتکرنێ بۆ مللەتێ خۆ کریە ، ب پێدڤی زانی یە گرنگیێ ب قەوارەیێ سیاسی و ئابورێ کوردستانێ بدەت ب شێوەک ئەکادیمی لەورا کەسایەتیەک ئەکادیمی و شورەشگێر و کارێزمایێ کورد بوویە ، ل سەردەمێ بزاڤا رزگاری خوازیا گەلێ کورد ، تڤەنگ و چەکێ شەرەڤ و پێشمەرگاتیێ هەلگرتی یە و سەرکردایەتی و تێکوشین کریە پێخەمەت دەستڤەئینانا مافێن رەوایێن مللەتێ کورد ، پشتی پەرلەمان و حکومەتا هەرێما کوردستانێ ژ دایکبووین و هاتینە دامەزراندن و هەر ژ سالا ۱۹۹٦ ئیدی نێچیرڤان بارزانی پێگەهێ سیاسی یێ ب هێز ل کوردستانێ پەیداکر لسەر ئاستێ ناڤچە و عێراق و جیهانێ ب گشتی ، درێژی دا ب خەباتا ئاڤەدانیێ ، سیاسی ، ئابوری ، پێشڤەچوونێ ل هەرێمێ و دوی ماوەیێ سەرۆکاتیا حکومەتێ دا تا نهۆ نێچیرڤان بارزانی جڤاکەکێ پێشکەفتی و مودرێن بۆ گەلێ کوردستانێ پەیداکر  ، ژیان و ئاسویەکێ گەش و ژ هەژی بۆ خەلکێ کوردستانێ درۆست کر بۆ ئێکەم جار بنیاتێ سیستەمێ سیاسی ، ئابوری و گشت بیاڤان ل هەرێمێ دانات و بنەجهکر ، هەڤدەم گرنگیەکا مەزن دایە هەرێمێ و ژ پارستن و گەشەپێدانا سازی ، دەزگەهێن هەرێمێ و خەلکێ کوردستانێ بێ جیاوازی ژ هەموو پێکهاتەیان نەتەوەی و ئولی. دیسان د کاودانێن دژوارێن کوردستانێ دەستکەفت و ئارامی ، ئاڤەدانی ، قەوارەیا سیاسی یا هەرێمێ پاراستی یە ل گورەی شارەزای و دوربین ، سیاسەت و لێهاتوو ، رێڤەبرنا خۆەیا سەرکەفتی و پێشکەفتی سەرجەم گرێین ئالوزیان بنبرکرن و مەترسی بەرەڤ گۆهارتن و ئاڤەدانیێ و پێشکەفتنا ئەزموون و حکومرانیا کوردستانێ بر ، تەنانەت رۆلەکێ گرنگ و نێزیک گێرا د دەنگ و رایێن جیاواز دناڤ لایەنیێن سیاسی ل کوردستانێ هەلبەت سەرەرای وان ناکوکیان بەلێ تەڤ ئالیێ ب هەول و سیاسەتا نێچیرڤان بارزانی گەهشتن رێککەفتنێ لسەر پاشەرۆژا کوردستانێ و ئایندەیێ خەلکێ وێ ، ب تنێ بۆ د حکومەتێ دا بەلێ ب پشتەڤانیا گەلێ کوردستانێ وەکو هێزەکا مەزن بەردەوامی دا ب ئەزموونا سیاسی و دیموکراسیا خەلکێ کوردستانێ ، پشتەڤانیا نیڤ دەولەتی بۆ هەرێمێ دەستڤەئینا ، نێچیرڤان بارزانی رۆلەکێ ئەرینی هەبوو دەربارەی ئیدارە و پەیوەندی کرن دگەل بەغدا سەبارەت کێشێن دناڤبەرا هەردوو لایان دا کو ب دەستکەفت ئەو کێشە چارەسەرکرن. لەورا ب ئەندازیارێ ئاڤەدانکرنێ ل جەم پێکهاتە و ب گشتی خەلکێ کوردستانێ هات ناسکرن.
لەورا ب دیتنا من گەلێ کوردستانێ باوەریەکا مەزن هەیە کو نێچیرڤان بارزانی دماوێ حکومرانیا بهێت یا هەرێما کوردستانێ دکاریت سەردەمەکێ زێرین بۆ خەلکێ کوردستانێ درۆست بکەت د پوستێ سەرۆکاتیا هەرێما کوردستانێ دا. چونکە خودان ئەزموون و سەربۆرەکا مەزنە دکارێ سیاسی دا و ئاماژەیێن روون و ئاشکەرا ژ خەلکێ هەرێمێ دیار دبن کو پوستەکێ گرنگێ سیاسیێ وەها پێدڤی ب کەسایەتیەکێ مینا نێچیرڤان بارزانی یە ، هەلبەت چەند سالێن بوری یێن سەرۆکاتیا حکومەتێ ب ئەزموونەک و ئەنجامێن نایاب و زۆر باش دەربازکرینە و رابردوویێ نێچیرڤان بارزانی ل سیاسەت و گرنگیدان ، برێڤەبرنا ئەنجومەنێ وەزیران ئەو یەک دیار دبیت کو باشترین و بهێزترین سەرکردەیێ ڤی وەلاتی یە بۆ چوار سالێن داهاتی یێن پوستێ سەرۆکاتیا هەرێما کوردستانێ ئەو سەرکردەیە ب دبلوماسیەت شیان و زیرەکیا خۆ دێ کوردستانێ ل ئاستەنگێن مەزن رزگارکەت.





ئەم هەواڵە 1759جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad