English | عربی | Kurdî دواهەواڵ
ڕاستەوخۆ  
 
فەرەنسا داوا لەعێراق دەكات 6 داعشە فەرەنسیەكە لەسێدارە نەدات
2019-05-29 [07:55 AM]

​ZNA – هەولێر


وه‌زیری ده‌ره‌وه‌ی فه‌ره‌نسا رایگەیاند، وڵاته‌كه‌ی هه‌وڵه‌ دیپلۆماسییه‌كانی بۆ ریگه‌گرتن له‌ فه‌رمانی له‌سێداره‌دانی 6 هاووڵاتی فه‌ڕه‌نسی له‌ عێراق چڕكردۆتەوە و دەڵێت بەعێراقمان گووتوە ئێمە دژی لەسێدارەدانین.

ژان ئییڤ لۆدریان، وه‌زیری ده‌ره‌وه‌ی فه‌ره‌نسا، له‌به‌رده‌م لیژنه‌ی كاروباری ده‌ره‌وه‌ی په‌رله‌مانی وڵاته‌كه‌ی گووتی: "6 هاووڵاتی فه‌ره‌نسی له‌ عێراق فه‌رمانی له‌ سێداره‌دانیان بۆ ده‌رچووه‌، به‌ ده‌سه‌ڵاتدارانی عێراقمان گوتووه‌ و ده‌یڵێینه‌وه‌ كه‌ ئێمه‌ دژی سزای له‌ سێداره‌دانین".

لۆدریان ده‌ڵێت: "400 تا 450 فه‌ره‌نسیش له‌ ناوچه‌كانی ژێر كۆنترۆڵی كورده‌كان له‌ سووریا ده‌ستگیركراون، منداڵیشیان تێدایه‌. 100 فه‌ره‌نسی دیكه‌ هێشتا له‌و ناوچانه‌ی پارێزگای ئیدلبی سووریا شه‌ڕ ده‌كه‌ن كه‌ ده‌كه‌ونه‌ ژێر كۆنترۆڵی "به‌ره‌ی رزگاركردنی شام" به‌ره‌ی نوسره‌ی پێشوو".

پێشتر عه‌بدولستار به‌یره‌قدار، گوته‌بێژی ئه‌نجوومه‌نی باڵای دادوه‌ری عێراق فه‌رمانی له‌سێداره‌دانی ئه‌و 6 داعشه‌ فه‌ره‌نسییانه‌ی پشتڕاستكرده‌وه‌ و رایگه‌یاند: به‌ مادده‌ی تیرۆر و ئه‌نجامدانی كرده‌وه‌ی تیرۆریستی داعشه‌ فه‌ره‌نسییه‌كان له‌ سێداره‌ ده‌درێن.

 





ئەم هەواڵە 6025جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad