English | عربی | Kurdî دواهەواڵ
ڕاستەوخۆ  
 
نێچیرڤان بارزانی، بەرپرسیاریەتی، پیاو كۆڵنەدان لە رۆژە سەختەكان
2019-05-31 [06:27 AM]

نوسینی : رێبوار حەمەلاو شوانی


هیمەت و تێكۆشانی حكومەتی كوردستان بە سەرپەرشتی نێچیرڤان بارزانی لە ماوەی چوار ساڵی رابردوویی و رۆژەكارە سەختەكاندا و تێكشكاندنی گشت كۆسپ و بەربەستەكانی بەردەم ئەزموونی دەستووری كوردستان وایانكردووە كە گەلی كورد، وڵاتانی ناوچەكە و كۆمەڵگەی نێودەوڵەتیی بە كەسایەتییەكی بەهێز و جێگەی متمانە بروان بەتایبەت بۆ ئایندەی كوردستانێكی بەهیز. پارتی دیموكراتی كوردستان باشترین و گونجاو ترین بڕیاریدا بۆ كاندید كردنی نێچیرڤان بارزانی بۆ پۆستی سەرۆكی هەرێم، چونكە لە حكومڕانی كوردستان لەماوەی ساڵانی رابردوو سەركەوتوو بووە و جێگەی ئومێدی خەڵكی كوردستان بووە و تەواوی لایەنە سیاسییەكانیش هیوایان بە بەڕێزیان هەیە .گەلی كورد، بە خۆشحاڵییەوە دەروواننە  وەرگرتنی پۆستی سەرۆكی هەرێم لەلایەن نێچیرڤان بارزانی و گەشبینین و بە هەنگاوێكی باشی دەزانن بۆ بەرەوپێشچوونی هەرێمی كوردستان .لە ماوەی پانزە ساڵی رابردوودا رێزدار نێچیرڤان بارزانی سەرباری هەموو كۆسپ و تەگەرە دەرەكی و ناوخۆكانی بەردەم پڕۆسەی بەڕێوەبردنی هەرێمی كوردستان، توانی سەركەوێت و بۆ یەك ساتیش خۆی لە ئەركی قورس و بەرپرسیارییەتی بەرامبەر هەموو ئەو كێشەوقەیرانانەی بەرامبەر بە گەل و حكومەتی كوردستان نەدزییەوە. دەوڵەتمەدار نێچیرڤان بارزانی لەسەخترین كاتیدا كە كوردستان دووچاری دوژمنكاری بەغدا و ئابڵۆقەی ئابووری بووەوە، ئەو لەگەڵ ستافەكەیدا شانی دایەبەر و كۆڵی نەدا، بێگومان ئەو مكوڕی و جەختكردنەوەو مانەوە بەپێوە خۆی لەخۆیدا مانای كامڵبوونی سیاسی و دەوڵەمەندی ئەزموونی بەڕێزیانە. لەلایەكی دیكەوە سەركەوتنی ئابووری سەربەخۆ لە دەرهێنان و فرۆشتنی نەوتی كوردستان گەیشتە لوتكە، كە بەرهەمی ئەو سیاسەتە زیرەكانە بوو كە لە رێگایەوە نێچیرڤان بارزانی دەرگای بە سەر هەموو لایەكدا كردەوە، لە ناوخۆی كوردستان و لە سەر ئاستی ئیقلیمی و نیودەوڵەتیدا.لە دوای خیانەتكاری و پیلانگێری وهێرشی  16ی ئۆكتۆبەر زۆر ناوەندی جیهانی و كەسایەتی سیاسی و ئەكادیمی بە سەرسوڕمانەوە لێكدانەوەیان بۆ لێدوان و هەنگاوەكانی نێچیرڤان بارزانی دەكرد بەوەی لە هەڵسوكەوت و عەقڵی سیاسییەكی رۆژهەڵاتی ناچێ و مۆدێلێكی نوێیە لە سیاسەت كردن. هەروەها نێچیرڤان بارزانی ئەزموونێكی دوور و درێژی لە كایەی سیاسی و حوكمڕانی هەرێمی كوردستان هەیە، ماوەی رابردوو لە ئیدارەی هەولێر هەروەها لە ئیدارەی هاوبەش جێگر و سەرۆكی ئەنجوومەنی وەزیرانی كوردستان بووە، لە رێگەی پۆستەكەیدا توانیویەتی پەیوەندییەكی زۆر باشی ناوخۆی و ئیقلیمی ناوچەكە و نێودەوڵەتی دروست بكات، كەسایەتییەكی ناسراوی كوردستان و عێراق و دنیایە.





ئەم هەواڵە 2935جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad