2019-06-02 [02:49 AM]

بەڕێوەبەری پۆلیسی گرتن و گواستنەوەی هەولێر ڕایدەگەیەنێت، لە رۆژی دووەم و سێیەمی جەژندا، كەسوكاری ڕاگیراوان دەتوانن سەردانی بەشی پۆلیسی گرتن و گواستنەوە بكەن و هەموو ئامادەكارییەكیش بۆ ئەم مەبەستە كراوە.

مقەدەمی مافپەروەر، خەسرۆ غازی خۆشناو، بەڕێوەبەری پۆلیسی گرتن و گواستنەوەی هەولێر، بە میدیاكانی ڕاگەیاند، رۆژی یەكەمی جەژنی ڕەمەزان سەردانیكردنی ڕاگیراوان رێگاپێدراو نییە، بەڵام رۆژی دووەم و سێیەم كەسوكاری ڕاگیراوان دەتوانن سەردانیان بكەن.

بە وتەی مقەدەم خەسرۆ، رۆژی دووەمی جەژن تایبەتە بە ئافرەتان و هەروەها رۆژی سێیەمیش پیاوان دەتوانن سەردانی ڕاگیراوان بكەن و ئامادەكارییشیان بۆ پێشوازیكردن لە سەردانیكاران كردووە.

بەڕێوەبەری پۆلیسی گرتن و گواستنەوەی هەولێر دەشڵێ، سبەی دووشەممە سەردانیكردن رێگای پێ نادرێت و دوای جەژنیش سیستمەكە وەك پێشووی لێدێتەوە.