English | عربی | Kurdî دواهەواڵ
ڕاستەوخۆ  
 
خۆپیشاندانەكانی سودان كوژراو و برینداری لێكەوتەوە
2019-06-03 [07:57 AM]

​ZNA – هەولێر


بەرەبەیانى ئەمڕۆ دووشەممە، هێزە ئەمنییەکانى سودان هەڵیانکوتایە سەر شوێنى ناڕەزایەتیەکان لە ناوەڕاستى خەرتومى پایتەخت و بەوتەى چالاکانیش بە ئامانجى کۆتاییهێنان بە ناڕەزاییەکان تەقەیانکردووە.

خۆپیشاندەران لە مەیدانی ئیعتیسام لە ناوەڕاستی خەرتوومی پایتەخت کۆبوونەوە، بەڵام زۆری نەخایاند هێزێكی ئەمنی زۆر لە ناوچەکە بڵاوکرایەوە و بە تەقەکردن بڵاوە بە خۆپیشاندەران کرا.

بەپێی دوایین زانیارییەکان، بەهۆی تەقەی هێزە ئەمنییەکانەوە پێنج کەس کوژراون و 60 کەسی دیکەش برینداربوون.

لە بەرامبەریشدا فیدراسیۆنی ڕێکخراوە مەدەنییەکانی سودان، داوای مانگرتنێکی ئاشتیانەی سەرتاسەرییکرد لەو وڵاتەدا تا ئەنجومەنی سەربازیی ناچاربکرێت بە ڕادەستکردنی دەسەڵات بە حکومەت و دەستەیەکی سەرۆکایەتی مەدەنی.

لە ئێستاشدا هێزە ئەمنییەکان ژمارەیەک شەقامیان لە ناوەڕاستی شاری خەرتوم داخستووە و هاوکات پارتی گەلی سودان ڕەتیکردەوە بە بەکارهێنانی زەبری هێز کۆتایی بە خۆپیشاندانەکان بهێنرێت.

ئەمەش لە کاتێدایە لە دوای لابردنی عومەر حەسەن بەشیر خۆپیشاندانەکان بەردەوامن و داوا دەکەن بە زووی دەسەڵات ڕادەستى ئەنجومەنێکی مەدەنی بکرێت.

 





ئەم هەواڵە 5917جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad