English | عربی | Kurdî دواهەواڵ
ڕاستەوخۆ  
 
كۆریای باكور بۆ ئەمریكا: ئارامیمان سنوری هەیە
2019-06-05 [10:15 AM]

ZNA- ھەولێر




میدیای فەرمی كۆریای باكور رایگەیاند، حكومەتی وڵاتەكەی لەبارەی دانوستانەكانی نێوان خۆی و ویلایەتە یەكگرتوەكانی ئەمریكا هۆشداری داوە بە ویلایەتە یەكگرتوەكان، كە لەژێر فشارەكانی واشنتن-دا رێككەوتنەكانیان دەكەوێتە مەترسیەوە".

میدیای فەرمی كۆریای باكور، دوێنێ سێشەممە لە راگەیەندراوێكدا رایگەیاند "لەبارەی فشارەكانی واشنتن بۆ سەر وڵاتەكەی سەبارەت بە لەناوبردنی چەكە ئەتۆمیەكانی، حكومەتی كۆریای باكور هۆشداریداوە بە ویلایەتە یەكگرتوەكان، كە ئەگەری ئەوە هەیە ئەو رێككەوتنانەی لە دانوستانەكانی ساڵی رابردو لە سەنگاپورە لەنێوان هەردو وڵاتدا ئەنجامدراوە بكەوێتە مەترسیەوە".

راگەیەندراوەكە ئاماژەی بەوەشكردوە "ئەگەر پێش ئەوەی كارلەكار بترازێت ویلایەتە یەكگرتوەكان هەڵسوكەوتەكانی نوێ نەكاتەوە، راگەیەنرداوە هاوبەشەكەی نێوان هەردو وڵات دەبێتە (كاغەزێكی خەیاڵی) و چیدی كاری پێناكرێت".

بەپێی ناوەرۆكی نوسراوەكە، حكومەتی پیۆنگ یانگ ئامۆژگاری ویلایەتە یەكگرتوەكان دەكات، كە هەڵسوكەوتی سیاسەتەكانی ئێستای بگۆڕێت و بە زوترین كات وەڵامی داواكاریەكانیان بداتەوە چونكە "ئارمگرتنیان سنورێكی هەیە".

هاوكات لە كۆتایی راگەیەندراوەكەدا هاتوە "تا ئەو كاتەی ویلایەتە یەكگرتوەكان لەسەر سیاسەتی بنیادنان هەنگاودەنێت، كۆریای باكور بەردەوامدەبێت لە پابەندبونی بە راگەیەندراوە هاوبەشەكەی نێوان واشنتن و وڵاتەكەی".
 





ئەم هەواڵە 1546جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad